Konstıtýtsııanyń 30-dan astam babyna túzetý engizilip, 20-dan astam zań qabyldanady - depýtat

NUR-SULTAN. QaazAqparat – Konstıtýtsııanyń 30-dan astam babyna túzetýler engizilip 20-dan astam zań qabyldanady. Bul týraly Qarasaı aýdandyq aýrýhanasynyń qyzmetkerlerimen kezdesýi kezinde senator Janbolat Jórgenbaev aıtty, dep habarlaıdy QazAqparat.

QR Parlamenti Senaty baspasóz qyzmetiniń málimetterine qaraǵanda, QR Parlamenti Senatynyń depýtaty Janbolat Jórgenbaev Qarasaı aýdandyq aýrýhanasynyń qyzmetkerlerimen kezdesti.

Ol júzdesý barysynda Konstıtýtsııaǵa engiziletin ári elimizdiń qazirgi kezdegi saıası júıesin ózgertýdi kózdeıtin ózgerister men tolyqtyrýlar týraly aıtty. Senator qoǵamdyq-saıası saladaǵy ózgerister ekonomıkanyń damýyna, halyqtyń turmysynyń jaqsarýyna da áser etetinin atap ótti.

«Konstıtýtsııalyq ózgerister memlekettiń jan-jaqty damýy úshin qajet. Tutastaı alǵanda, Konstıtýtsııanyń 30-dan astam babyna túzetýler engiziledi, sondaı-aq jyl sońyna deıin 20-dan astam zań qabyldanady. Ózgerister bıliktiń barlyq tarmaqtaryna áser etetin bolady. Ásirese, Parlament pen óńirlik máslıhattardyń róli artyp keledi. Barlyq konstıtýtsııalyq ózgerister halyqtyń tilegi men ýaqyt talabyna sáıkes keledi», - dedi senator.

Janbolat Jórgenbaev aldaǵy referendýmnyń mańyzyn erekshe atap ótti jáne Qazaqstannyń bolashaǵyn azamattardyń ózi tańdaıtyn búkilhalyqtyq referendýmǵa halyqtyń joǵary deńgeıde qatysatynyna senim bildirdi.