Konstıtýtsııany jatqa biletin stýdent tegin oqýǵa sertıfıkat aldy

ASTANA. QazAqparat - 30 tamyz - Qazaqstan Respýblıkasynyń Konstıtýtsııasy kúni. Ataýly kúnge oraı, H.Dosmuhamedov atyndaǵy Atyraý ýnıversıteti aqyly bólimde oqıtyn stýdentter arasynda dástúrli «Men Konstıtýtsııany jatqa bilemin!» konkýrsyn ótkizdi, dep habarlaıdy QazAqparat.

Sharanyń maqsaty - Konstıtýtsııa kúnin atap ótý, Ata zańdy ulyqtap, jastardyń quqyqtyq saýatyn arttyrýdy kózdeıdi. Konkýrsqa qatysýǵa ártúrli mamandyqta oqıtyn 250 stýdent nıet bildirgen.

Qatysýshylar konkýrstyń alǵashqy kezeńinde Qazaqstan Respýblıkasy Konstıtýtsııasynyń erejelerin bilý deńgeıin anyqtaý úshin 25 suraqtan turatyn saýalǵa jaýap berdi. Al, ekinshi kezeńge súrinbeı ótkender, Ata zańnyń baptaryn jatqa aıtýdan jarysty. Konkýrsqa Atyraý qalalyq sottyń sýdıasy, prokýror jáne jeke sot oryndaýshy, ýnıversıtettiń azamattyq quqyqtyq pánder kafedrasynyń oqytýshylary tórelik etip, jeńimpazdardy anyqtady.

Konkýrs qortyndysy boıynsha 3 oryndy (30 paıyz jeńildik) «Ekologııa» mamandyǵynyń stýdenti Botakóz Intımahova, 2 oryndy (50 paıyz jeńildik) qylmystyq-quqyqtyq pánder kafedrasynyń stýdenti Medına Ábdesh aldy. Al bas júldeni azamattyq-quqyqtyq pánder kafedrasynyń stýdenti Jáńgir Temirhanov bir jyldyq oqýyn tegin oqýǵa sertıfıkat aldy.

Dástúrge aınalǵan konkýrs kelesi jylda da óz jalǵasyn tabady dep josparlanýda.