Konstıtýtsııalyq túzetýler boıynsha daýys berý jalpyhalyqtyq sıpatta boldy
«Osy jyldyń 6 maýsymynda tańǵy 08-00-degi jaǵdaı boıynsha elimizdiń barlyq óńirindegi jáne sheteldegi barlyq 10 012 referendým ýchaskesinde daýystardy sanaý aıaqtaldy. Konstıtýtsııalyq túzetýler boıynsha daýys berý jalpyhalyqtyq sıpatta boldy. «Respýblıkalyq referendým týraly» konstıtýtsııalyq zańnyń 31-babyna sáıkes, eger daýys berýge quqyǵy bar osyndaı azamattardyń jartysynan astamy qatyssa, referendým ótkizildi dep esepteledi. Respýblıkalyq referendýmǵa shyǵarylǵan Konstıtýtsııaǵa ózgertýler men tolyqtyrýlar eger olar úshin oblystardyń, respýblıkalyq mańyzy bar qalalardyń jáne astananyń keminde úshten ekisinde daýys berýge qatysqan azamattardyń jartysynan astamy daýys berse, qabyldandy dep sanalady», - dedi Nurlan Ábdirov.
Buǵan deıin habarlaǵanymyzdaı, referendýmǵa qatysýǵa qoıylǵan máseleniń oń sheshimin jaqtap daýys bergen azamattardyń sany elimizdiń barlyq óńirlerinde daýys berýge qatysqandardyń 77,18 paıyzyn quraıdy. Al bul 6 163 863 adam. Bul 17 óńirdiń árqaısysynda absolıýtti kópshilikti qurap otyr. Osylaısha oblystardyń, respýblıkalyq mańyzy bar qalalardyń, astananyń keminde úshten ekisinde qoldaý qajettigi týraly Konstıtýtsııalyq zań talaby saqtaldy.