Konstıtýtsııalyq Sottyń ótinishterdi qaraý rásimi jalpy sot tártibinen erekshe bolady
«Konstıtýtsııalyq zań jobasynyń ekinshi bólimi konstıtýtsııalyq is júrgizýdi júzege asyrýdyń erekshelikterine arnalǵan. Birinshi kezekte, konstıtýtsııalyq is júrgizýdiń jalpy sharttary men qaǵıdattary bekitildi. Konstıtýtsııalyq Sotqa joldanatyn ótinishterdiń túrleri, olardyń nysany men mazmuny aıqyndalady. Óz kezeginde, Konstıtýtsııalyq zań jobasynyń 46-babyna erekshe nazar aýdarǵym keledi. Onda azamattardyń Konstıtýtsııalyq Sotqa júginý tártibin belgileý usynylady. Jalpy, azamat daýlap otyrǵan normatıvtik quqyqtyq akt onyń qatysýymen jalpy ıýrısdıktsııa sotynda qoldanylýy kerek degen talapty belgileý usynylady. Bul normany belgileý, eń aldymen, Konstıtýtsııalyq Sot azamattardyń ótinishteri boıynsha tek olardyń quqyqtary men bostandyqtaryna qatysty normatıvtik quqyqtyq aktilerdi tekseretini týraly Konstıtýtsııa normasyn iske asyrý úshin qajet», - dedi Q. Mýsın tıisti zań jobasyn talqylaý kezinde.
Onyń aıtýynsha, Konstıtýtsııalyq Sottyń ótinishterdi qaraý rásimi jalpy sottardaǵy sot isin júrgizý tártibinen túbegeıli erekshelenedi.
«Joba barlyq protsedýralyq jáne uıymdastyrýshylyq rásimderdi barynsha jeńildetý qajettiligin eskere otyryp ázirlendi. Konstıtýtsııalyq Sottyń ótinishterdi qaraý tártibi bes kezeńnen turatyn bolady. Birinshiden, Konstıtýtsııalyq Sot apparatynyń ótinishterdi aldyn ala qaraýy. Ekinshiden, konstıtýtsııalyq is júrgizýge ótinishti qabyldaý. Úshinshiden, Konstıtýtsııalyq Sot otyrysynda ótinishti qaraý úshin materıaldar daıyndaý. Tórtinshiden, ótinishti qaraý boıynsha otyrys ótkizý. Al sońǵy kezeń – ótinish boıynsha túpkilikti sheshim qabyldaý. Sondaı-aq, jobaǵa Konstıtýtsııalyq Sottyń sheshimderin oryndaý tetikteri engizilgen», - dedi mınıstr.
Konstıtýtsııalyq zań jobasyn qabyldaý Konstıtýtsııalyq Sottyń qyzmeti, oǵan Konstıtýtsııamen júktelgen ókilettikterdi iske asyrý úshin quqyqtyq negiz jasaıdy.