Konstıtýtsııalyq Sotqa aı saıyn 500-den astam azamat júginedi

ASTANA. QazAqparat - Qańtar aıynyń basynan bastap Konstıtýtsııalyq Sotqa konstıtýtsııalyq baqylaý organyna júginýge quqyǵy bar sýbektilerden 2,7 myń ótinish tústi, onyń 25 %-y ǵana zańdardyń jáne ózge de quqyqtyq aktilerdiń Konstıtýtsııaǵa sáıkestigin tekserý máselesin kótergen, dep habarlaıdy QazAqparat.

Taldaý kórsetkendeı, ótinishterdiń 99%-y azamattardan kelgen, olar myna máselelerdi kótergen:

- sot sheshimderimen kelispeý – 42%;

- NQA nemese onyń jekelegen erejelerin konstıtýtsııalyq emes dep taný – 25%;

- aqparatqa qol jetkizý – 3,5%;

- eńbek zańnamasyn saqtaý – 1,3%;

- áleýmettik qamsyzdandyrý – 1,4%;

- qylmystyq-atqarý júıesi – 1,4%.

Ótinishter sany boıynsha Astana men Almaty qalalarynyń, Qostanaı, Qaraǵandy ​​jáne Jambyl oblystarynyń turǵyndary kósh basyp turǵanyn kórsetedi.

Jumystyń birinshi aıynda Konstıtýtsııalyq Sot 826 ótinish tirkedi, olardyń kópshiligi Konstıtýtsııalyq zań talaptaryna sáıkes kelmegen.

Aqparattyq-túsindirý jumystarynyń, onyń ishinde zańgerlik qoǵamdastyqpen júrgizilgen jumystardyń nátıjesinde ótinishterdiń sapasy oń jaqqa ózgerdi, oǵan konstıtýtsııalyq is júrgizýge qabyldanǵan ótinishter de dálel bola alady.

Qazirgi tańda 9 is boıynsha konstıtýtsııalyq is qozǵaldy, taǵy 44 is sýdıalardyń aldyn ala zerdeleýinde.

Ótinishter statıstıkasyna kóz júgirtsek, aı saıyn Konstıtýtsııalyq Sotqa orta eseppen 500-den astam azamat júginedi, ıaǵnı:

aqpanda – 680;

mamyr – 536;

sáýir – 568.

Konstıtýtsııalyq Sottyń 4 aılyq qyzmetinde 11 normatıvtik qaýly shyǵaryldy, onyń 8-i azamattardyń ótinishi boıynsha.

Normatıvtik qaýlylardy myna silteme boıynsha kórýge bolady.