Konstıtýtsııalyq reformanyń maqsaty memleket pen qoǵam arasynda tıimdi dıalog qurý - elshi
Bul týraly qazaqstannyń Izraıldegi elshiliginde ótken QR Konstıtýtsııasyna ózgerister men tolyqtyrýlar engizý jónindegi respýblıkalyq referendýmǵa arnalǵan dóńgelek ústel barysynda aıtyldy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Jıynda Qazaqstan Elshisi Satybaldy Burshaqov konstıtýtsııalyq reformanyń tujyrymdamalyq negizderi men erekshelikterin egjeı-tegjeıli túsindirdi.
Onyń pikirinshe, Qazaqstannyń konstıtýtsııalyq reformasy - bul jurtshylyqtyń suraýy men usynystaryna negizdelgen saıası reformalardyń prezıdenttik baǵdarlamasyn iske asyrý. Ol mynalardy qamtıdy: qoldanystaǵy saıası modeldi túbegeıli transformatsııalaý, bılik tarmaqtary arasyndaǵy ózara qarym-qatynastyń ońtaıly teńgerimin qalyptastyrý jáne memleket pen qoǵam arasynda tıimdi dıalog qurý», - dep atap ótti ol.
Óz baıandamalarynda Izraıl sarapshylary Qazaqstan bıliginiń saıası júıeni transformatsııalaýdaǵy jáne memlekettiń odan ári órkendeýi jolyndaǵy júıeli tásiline erekshe nazar aýdardy.
Sondaı-aq, dóńgelek ústelge qatysýshylar Qazaqstan men Izraıl arasyndaǵy qarym-qatynastardyń qarqyndy damyp jatqandyǵyn málimdep, ózara yntymaqtastyqtyń bolashaǵyn joǵary baǵalady.
Aıta keteıik, dóńgelek ústeldi 31 mamyr kúni Qazaqstannyń Izraıldegi Elshiligi jetekshi saıasattanýshylar, Izraıl BAQ ókilderi jáne Qazaqstan dostary klýbynyń qatysýymen uıymdastyrdy.
Іs-shara Izraıl sarapshylar qaýymdastyǵynyń Qazaqstandaǵy aýqymdy saıası ózgeristerge qyzyǵýshylyǵyn kórsetetin belsendi pikirtalas formatynda ótti.
Qazaqstannan shyqqan búkil ızraıldik ımmıgranttar qaýymdastyǵynyń tóraıymy Zınaıda Polıanskaıanyń usynysy boıynsha jıyn 31 mamyr - Saıası qýǵyn-súrgin qurbandaryn eske alýǵa arnalǵan bir mınýttyq únsizdikpen bastaldy.
Sondaı-aq, is-shara aıasynda Qazaqstandaǵy Konstıtýtsııalyq reformalar boıynsha ICES prezıdenti, Shyǵys Eýropa jáne TMD elderi ınstıtýtynyń dırektory Aleksandr Tsınker, Eýroazııalyq evreıler kongresiniń bas dırektory doktor Haım Ben ıAakov, «Israel Hayom» kúndelikti gazetiniń aǵa sholýshysy Arıel Býlshteın, Qazaqstan men Ortalyq Azııadan kelgen evreıler halyqaralyq uıymynyń tóraıymy Natalıa Dıvınskaıa Ierýsalım ýnıversıtetiniń professory doktor Vladımır Mesamed, professor Zıv Hanın, saıasattanýshy ıÝrıı Bocharov jáne basqa da qatysýshylar baıandama jasady.