Konstıtýtsııalyq reforma qoǵamdaǵy kelisimdi nyǵaıtady- sarapshy
«Qazaqstan 25 jyldyq táýelsiz damýdan keıingi qazirgi zamanǵy kezeńde Prezıdenttiń birqatar ókilettigin Úkimetke berý jáne Parlament rólin kúsheıtý arqyly demokratııalyq jańarýdyń jańa satysyna shyǵyp otyr. Qazaqstan Respýblıkasynyń Prezıdenti Nursultan Nazarbaevtyń osynaý dana sheshimi Úkimet jumysynyń tıimdiligin arttyryp, qoǵamdaǵy kelisimiń nyǵaıýyna septigin tıgizetin bolady. Qazaqstan shetelidk ınvestorlar úshin Ortalyq Azııadaǵy barynsha tartymdy memleket sanalady. «Astana» halyqaralyq qarjy ortalyǵy qurylý ústinde. Sondyqtan taıaý bolashaqta Qazaqstannyń álemniń barynsha ósip-órkendegen 30 eliniń qataryna qosylaryna senimim mol», - dedi Muhammad Mahdı Nýrı.
Onyń atap ótýinshe, Qazaqstan basshylyǵynyń álemniń damyǵan kóptegen elderinde qabyldanǵan demokratııalyq normalarǵa sáıkes saıası júıeni reformalaý sheshimi -barynsha eń joǵary baǵaǵa laıqyty progressıvti qadam sanalady.
«Qazaqstan jemqorlyqpen kúrestiń tıimdi sharalaryn qabyldap, sot júıesin jetildirip jatqandyǵy barlyǵyna da belgili jaıt. Menińshe, Qazaqstan Prezıdentiniń Joldaýy demokratııalyq damýǵa, ál-aýqat pen ekonomıkalyq ósimge umtylyp otyrǵan aýǵan halqy úshin de úlgi bola alady», - dedi «Ufoq News» halyqaralyq aqparat agenttiginiń basshysy.
Aıta keteıik, keshe, 6 naýryz kúni QR Parlamenti palatalarynyń birlesken otyrysynda «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» QR Zańy qabyldanǵan bolatyn.