Konstıtýtsııalyq ózgerister Úkimettiń jaýapkershiligin kúsheıtedi - Ahmet Mýradov
Onda A.Mýradov konstıtýtsııalyq ózgeristerge sáıkes Úkimet Elbasy aıqyndaǵan saıasat aıasynda tıisti sheshimder qabyldaı otyryp, áleýmettik-ekonomıkalyq saladaǵy jaǵdaı úshin tolyq jaýap beretinin atap ótti. Prezıdenttiń kelisimimen memlekettik baǵdarlamalardy bekitý ókilettigi Úkimetke ótedi. Atqarýshy bılik ózi jasaǵan jáne júzege asyratyn qujattar úshin ózi jaýap berýi tıis. Bul ózgerister Úkimet quramyna kirmeıtin organdar jáne memlekettik kásiporyndardy qurý men taratý ókilettikterin de qamtıdy.
«Konstıtýtsııalyq ózgerister jáne bes ınstıtýtsıonaldyq reforma aıasyndaǵy memlekettik basqarý júıesiniń jańa qurylymy jańashyldyq sıpatqa ıe. Úkimetke, jergilikti atqarýshy bılikke, Parlament pen barlyq deńgeıdegi máslıhattarǵa, QHA men azamattyq qoǵamǵa memlekettik jáne qoǵamdyq jumystyń jańa tehnologııalaryn ıgerýge týra keledi. Konstıtýtsııalyq reformanyń memlekettik-saıası júıeni damytýdyń ondaǵan jyldarǵa sozylatyn kezeńin qamtıtynyn sezingen jón. Keıbir bılik ókilettikteriniń Úkimet pen Parlamentke berilýi Prezıdenttiń joǵary saıası tóreshi retindegi bedelin kótere túsedi. Osy oraıda Parlament ózine júktelgeli otyrǵan jańa ókilettikterdi atqara alady dep senemin», dedi Ahmet Mýradov.
Májilis depýtaty sondaı-aq Elbasynyń jańa Joldaýyna baılanysty alǵa qoıylǵan maqsat-mindetter jóninde de aıtyp berdi.