Konstıtýtsııalyq ózgerister: Otstavkadaǵy sýdıalar oqytýshylyqpen aınalysa alady
Memleket basshysynyń 2016 jyldyń 14 maýsymdaǵy keńesinde Ult Josparyn odan ári iske asyrý boıynsha berilgen tapsyrmasyn oryndaý maqsatynda zańdardy Qazaqstan Respýblıkasynyń Joǵarǵy Soty ázirledi.
Konstıtýtsııalyq zańǵa sáıkes «Qazaqstan Respýblıkasynyń sot júıesi men sýdıalarynyń mártebesi týraly» Konstıtýtsııalyq zańyna sýdıalardyń kásibı qyzmetiniń kezeńdik baǵalaýynyń qorytyndysy boıynsha qabyldanatyn is-sharalardyń jetildirilýine baǵyttalǵan ózgerister engizildi.
Sot korpýsy quramynyń sapalyǵyn arttyrý maqsatynda jáne baǵalaý mehanızmin jetildirý, kásibı biliktiliktiń ósýin yntalandyrý úshin sýdıa kásibı qyzmeti boıynsha kezeńdik baǵalaýdan teris nátıje kórsetken jaǵdaıda ony qaıta baǵalaýdan ótkizbeı-aq qyzmetinen bosatýdy kózdeıtin ózgerister engizildi.
Sot jıýrıi sýdıany basqa sotqa nemese basqa mamandanýǵa aýystyrý týraly sheshim qabyldaǵan jaǵdaıda sýdıany konkýrs arqyly ótkizbeı-aq basqa sotqa aýystyrý tártibin retteıdi.
Otstavkadaǵy sýdıalardyń bıýdjettik uıymdarda oqytýshylyq, ǵylymı jáne basqa da shyǵarmashylyq qyzmetpen ómir boıǵy aı saıynǵy qamtylymnyń toqtatylýynsyz aınalysýyna múmkindik beretin túzetý enizildi.
Usynylǵan ózgerister otstavkadaǵy sýdıalardyń tájirıbesin olardy memlekettik JOO-na, Joǵarǵy Sot janyndaǵy Sot tóreligi akademııasynda oqytýshylyq qyzmetke tartý jolymen sýdıalyq kadrlardy daıarlaýǵa qoldanýǵa múmkindik beredi.
Osy zańǵa sáıkes Joǵarǵy Sot janyndaǵy Sottardyń qyzmetin qamtamasyz etý departamentiniń Halyqaralyq keńes qyzmetin qamtamasyz etý úshin bıýdjet qarajatyn qoldaný tártibin bekitý boıynsha quzyreti retteldi.
AHQO qarjylandyrý kóziniń ózgerýine baılanysty «Astana» halyqaralyq qarjy ortalyǵy týraly» Konstıtýtsııalyq zańǵa ózgerister engizilgen. AHQO aktilerin qabyldaýdyń qolaılyǵyn qamtamasyz etý maqsatynda Ortalyqtyń organdaryn tıisti aktilerdi qabyldaýǵa quqyly etetin ózgerister engizilgen.
«Qazaqstan Respýblıkasynyń keıbir zańnamalyq aktilerine Qazaqstan Respýblıkasy Joǵary Sot Keńesi jáne «Astana» halyqaralyq qarjy ortalyǵy qyzmeti máseleleri boıynsha ózgerister men tolyqtyrýlar engizý týraly» Zańynyń sheginde Qazaqstan Respýblıkasynyń Joǵary Sot Keńesiniń sýdıa Sot jıýrıiniń basqa sotqa nemese basqa mamandanýǵa aýysý týraly sheshiminen bas tartqan jaǵdaıda ony qyzmetinen bosatý týraly Joǵarǵy Sot Tóraǵasynyń usynysyn qaraý boıynsha quzyretin naqtylaıdy.
Zańdardyń erejeleri sot tóreligin júzege asyrý kezinde zańdylyqty nyǵaıtý boıynsha sýdıalardyń jaýapkershiligin arttyrýǵa, sýdıalardy kadrlyq irikteý salasyn retteıtin zańnamany jetildirýge yqpal etedi.