Konstıtýtsııalyq ózgerister halyqtyń talqylaýynan soń ǵana engiziledi - professor
"Jalpy, Konstıtýtsııaǵa ózgerister men tolyqtyrýlar engizý boıynsha Elbasymyzdyń qańtar aıynyń 11-de qurǵan komıssııasy bar. Osy komıssııaǵa kelip túsken usynystardyń nátıjesinde qazir búkilxalyqtyq talqylaýǵa Konstıtýtsııaǵa engiziletin ózgerister men tolyqtyrýlardyń jobasy usynyldy. Qazirgi tańda osy jobalar boıynsha mazmuny men mánin keńirek túsindirý jumystary bastaldy", - deıdi atalǵan komıssııanyń múshesi.
Professordyń aıtýynsha, Konstıtýtsııaǵa engiziletin ózgerister men tolyqtyrýlardyń jobasyn eki blokqa bólip qarastyrýǵa bolady.
"Birinshisi - Qazaqstandaǵy menshiktik quqyqtyń kepildigin qamtamasyz etý. ıAǵnı, jeke menshikti konstıtýtsııalyq qorǵaý tetigin budan ári nyǵaıtý, kúsheıtý. Ekinshisi - Qazaqstandaǵy bılik tarmaqtary arasyndaǵy ókilettilikterdi ózara bólisý. Memlekettik basqarý júıesin jetildire túsý. Bunyń nátıjesinde, qarapaıym tilde aıtatyn bolsaq, Konstıtýtsııa - qoǵamdy basqarýdyń eń negizgi zańdyq quraly bolap tabylady. Ekinshi jaǵynan Konstıtýtsııa - bul qoǵamdyq kelisimshart. Sondyqtan qoǵamdy basqarý úshin Konstıtýtsııa osy qoǵamǵa sáıkes kelýi kerek. Kúndelikti ózgerip jatqan áleýmettik-ekonomıkalyq jaǵdaılar Konstıtýtsııaǵa keıbir ózgertýler engizýdi talap etýde. Ol birinshiden, Parlamenttiń jaýapkershiligin kúsheıtý, ekinshiden, Úkimettiń quzyreti men jaýapkershiligin arttyrý bolyp tabylady. Parlament eger de zańdardy qabyldaıtyn bolsa, osy zańdardyń tolyqtaı iske asyrylýyn qamtamasyz etetin - Úkimet. Sondyqtan mınıstrler kabınetiniń Parlamenttiń aldynda jaýapty bolýy qısyndy. Bul áleýmettik-ekonomıkalyq damýdyń jáne qoǵamnyń órkendeýi nátıjesinde kelgen birden-bir beles bolyp tabylady. Keshe ǵana Prezıdent Qazaqstan xalqyna Joldaýyn arnady, ol - el ekonomıkasynyń úshinshi jańǵyrýy. Halyqaralyq básekelestikke qabilettiligin arttyrý jolyndaǵy tapsyrmalary berildi. Osy jańǵyrýdyń birden-bir kepili - Konstıtýtsııanyń durys, óte tıimdi jumys jasaýy bolyp tabylady", - deıdi ol.
Onyń aıtýynsha, konstıtýtsııalyq ózgerister jobasy xalyq talqylaýyna salynǵannan keıin, arnaıy komıssııa ony qaıta qaraıdy. Sonan soń baryp qana, xalyqpen birge egjeı-tegjeıli pysyqtalǵan normalar elimizdiń Ata Zańyna engiziledi.
"Jalpy prezıdenttik ınstıtýt álemde naqty moıyndalǵan ınstıtýttardyń biri. Bul memlekettiń strategııalyq basqarýyn qamtamasyz etedi. Sonymen qatar elimizdiń qaýipsizdigin qamtamasyz etedi jáne eń bastysy - Prezıdent adam jáne onyń quqyqtarynyń konstıtýtsııalyq kepili bolady. Elbasymyz bul fýnktsııany tolyǵymen atqaryp keldi", - dep túıdi oıyn sarapshy.