Konstıtýtsııalyq normalarǵa sáıkes sýdıanyń mártebesin túbegeıli nyǵaıtý kerek - Q. Mámı
Birinshi kezekte Joǵarǵy Sottyń Tóraǵasy sot júıesiniń qazirgi jaı-kúıine jáne Memleket basshysy birneshe ret aıtqan, kezek kúttirmeı sheshimin talap etetin problemalarǵa nazar aýdardy.
«Uıymdastyrýshylyq jáne fýnktsıonaldy sharalardyń tutas keshenin shuǵyl ázirlep, júzege asyrý qajet, olardyń basty maqsaty - sot júıesiniń ımıdjin kóterý, azamattardyń sottarǵa degen joǵalǵan senimin qaıtarý, qoǵamnyń úmitine sáıkes sot tóreliginiń tıimdiligin túbegeıli kóterý, - dep atap ótti Q. Mámı. Konstıtýtsııalyq normalarǵa sáıkes sýdıanyń mártebesin túbegeıli nyǵaıtý, artyq ákimshilendirýden bas tartý jáne sot tóreligin júzege asyrý protsesine qandaı da bir bolsyn qol suǵýshylyqty boldyrmaý kerek».
Osyǵan oraı Joǵarǵy Sottyń qadaǵalaýshy alqalarynyń tóraǵalaryna aldaryna qoıylǵan mindetterdi iske asyrýǵa baǵyttalǵan baǵdarlamalyq usynystardy daıyndaý boıynsha naqty nusqaýlar berildi.
Keńeste qaralǵan basqa da mańyzdy másele Qazaqstan sýdıalarynyń VI Sezine daıyndyq barysy boldy. Q. Mámı bul baǵyttaǵy jumysty jandandyrýdy tapsyrdy: shuǵyl arnaıy komıssııany qurý, aldaǵy forýmnyń tujyrymdamasyn anyqtaý, sezde talqylaýǵa jatatyn basty baǵyttardyń sheńberin naqtylaý jáne aldaǵy perspektıvaǵa naqty mindetterdi belgileý.
Kadr saıasaty týraly aıta kele, Joǵarǵy Sottyń Tóraǵasy túrli oryn aýystyrýlar men qaıta taǵaıyndaýlar týraly áńgimelerdi birden joqqa shyǵardy. Q. Mámı, apparattyń barlyq qyzmetkerleri fýnktsıonaldyq mindetterine sáıkes óz laýazymdarynda qaldyrylatyndyǵyna sendirdi. Uıymdastyrý-shtat qurylymyn odan ári jetildirýge qatysty bul úderis, Joǵarǵy Sot Tóraǵasynyń aıtýynsha, qajettiliktiń týyndaýyna baılanysty júzege asyrylatyn bolady.