Konstıtýtsııalyq keńeske azamattardan jylyna 500-600 shaǵym kelip túsedi
«Qazirdiń ózinde Konstıtýtsııalyq keńes azamattardyń shaǵymyn qaramaıdy. Soǵan qaramastan jylyna shamamen 500-600 shaǵym kelip túsedi. Biz olarǵa qazirgi qoldanystaǵy Ákimshilik-rásimdik protsestik kodekstiń talaptary boıynsha jaýap beremiz. ıAǵnı, onyń kópshiligi basqa memlekettik organdarǵa joldanyp otyrady. Qazir de aıtýyma bolady, olardyń kópshiligi Konstıtýtsııalyq keńestiń de, Konstıtýtsııalyq sottyń da ókilettigine kirmeıdi», - dedi ol Ortalyq kommýnıkatsııalar qyzmetindegi baspasóz máslıhatynda.
Máselen, onyń aıtýynsha, kóptegen azamat sot úkimderimen kelispeıdi. Jazany qatań dep sanaıdy. Óziniń kinási dáleldenbegen dep esepteıdi. Al mundaı máselelerdi qaraý eshqandaı elde Konstıtýtsııalyq sottyń quzyryna kirmeıdi.
«Dáleldemelerge tıisti baǵa berý sottyń mindeti. Kelip túsken aryzdyń 3 paıyzynda ǵana normatıvtik-quqyqtyq aktilerdiń kemshilikteri, problemalary týraly máseleler kóteriledi. Bul - Konstıtýtsııalyq sotta qarala alatyn máseleler. Biraq, qazir azamattar Konstıtýtsııalyq keńeske tikeleı júgine almaıdy», - dedi Baqyt Nurmuhanov.