Konstıtýtsııaǵa qaıshy keletin zań normalary qaıta qaralýǵa tıis - Qasym-Jomart Toqaev
«Jurt zańdardyń keıbir erejelerine narazylyq bildirip, shaǵym aıtady. Konstıtýtsııalyq Sottyń sheshimderi keıbir shaǵymdardyń oryndy ekenin kórsetip otyr, ıaǵnı zańnamanyń jekelegen normalary Ata zańǵa qaıshy ekeni anyqtaldy. Bul keleńsizdikter quqyq qoldaný isinde qıyndyqtar týǵyzady. Konstıtýtsııaǵa qaıshy mundaı normalar jaramsyz dep tanylady. Osyndaı erejelerge súıenip qabyldanǵan sottyń jáne basqa memlekettik organdardyń sheshimderi qaıta qaralýǵa tıis», - dedi Qasym-Jomart Toqaev VIII saılanǵan QR Parlamentiniń birinshi sessııasynda.
Prezıdent zańdardyń Konstıtýtsııaǵa tolyq saı bolýy keregin atap ótti.
«Parlament osy mańyzdy máselege baılanysty tabandylyq tanytyp, basty ról atqarýy qajet. Bul jumys azamattardyń konstıtýtsııalyq quqyqtaryn qorǵaý júıesin kúsheıte túsýge múmkindik beredi», - dedi Memleket basshysy.