Konstıtýtsııaǵa engizilgen ózgerister demokratııalyq ózgeristerge degen adaldyqty kórsetedi – senatorlar

NUR-SULTAN. QazAqparat - Senat depýtaty Vladımır Volkov referendýmdy táýelsizdik tarıhyndaǵy elimizde júrgizilip jatqan ózgeristerdiń jańa kezeńi jáne «Halyq únine qulaq asatyn memleket» qaǵıdasynyń naqty kórinisi dep sanaıdy, dep habarlaıdy QazAqparat.

«Konstıtýtsııaǵa engiziletin ózgeristerde demokratııalyq qaıta qurýǵa degen adaldyqty kórsetetin mańyzdy saıası reformalar bar ekenin atap ótken jón. Shyn máninde, jańa ózgerister memlekettiliktiń jańa úlgisi – jańa Qazaqstandy damytýǵa serpin beredi jáne Qazaqstan azamattary respýblıkalyq referendýmda mańyzdy sheshim qabyldaıtyn bolady», - dep atap ótti depýtat Vladımır Volkov.

Senator Olga Býlavkına qazirgi kezde Qazaqstanda bolyp jatqan reformalar eleýli saıası transformatsııany talap etetinin atap ótti.

«Qazaqstandyq qoǵamynyń qýattylyǵy, onyń prıntsıpti ustanymdary qańtar oqıǵasynan keıin bastaý alǵan Qazaqstannyń jańa tarıhı kezeńiniń kórinisi bolady. Azamattardyń erkin bildirýine negizdelgen jalpyhalyqtyq referendým – el Prezıdenti júrgizip otyrǵan saıası qaıta qurýdyń aıtýly jetistikteriniń biri, qoǵamdy demokratııalandyrýdy nyǵaıtýǵa baǵyttalǵan qadamdar rettiliginiń kórinisi», - dedi senator Olga Býlavkına.