Konstıtýtsııadaǵy ózgerister halyqpen aqyldasyp engizilip jatyr - Senat tóraǵasy
Búgin Senattyń jalpy otyrysynan keıin tilshiler Senat tóraǵasynan «Konstıtýtsııaǵa túzetý engizý jıilep ketpedi me?» dep surady.
Osy oraıda túzetýlerge lımıt engizý qanshalyqty durys bolatyny týraly saýal qoıyldy.
«Bizdiń Konstıtýtsııa únemi túzetýler engiziletin qujatqa aınaldy degen pikirmen kelispeımin. Meniń oıymsha, Ata zańǵa ózgeristerdi óte sırek engizemiz. 1995 jyly Konstıtýtsııa qabyldandy. Sondyqtan osy jyldary sonshalyqty kóp túzetý bolmady. Jalpy, osy jolǵy jaǵdaı erekshe dep sanaımyn. Biz atalǵan máseleni respýblıkalyq referendýmǵa engizip jatyrmyz. Bul rette halyq daýys berip, óz ustanymyn aıqyndaıdy. ıAǵnı, osy taqyrypta depýtattar negizgi pozıtsııalar men normalar boıynsha sheshim shyǵaryp jatqan joq. Qazaqstan halqy qandaı sheshim jasasa, aldaǵy ýaqytta sol baǵytty tańdaımyz», - dedi M. Áshimbaev.
Sonymen qatar ol Konstıtýtsııaǵa túzetýdi jıi engizý durys emes ekenin atap ótti.
«Jalpy, Konstıtýtsııaǵa tolyqtyrýlar jumys tobynyń usynysy boıynsha engizildi. Jumys tobynyń quramyna sarapshylar men ǵalymdar endi. Osy oraıda elimizdegi mamandar men halyqtyń usynystary eskerildi. Meniń oıymsha, Konstıtýtsııaǵa ózgerister jarııa túrde engizilip jatyr, ıaǵnı halyqtyń pikiri nazarǵa alyndy. Bul túzetýler elimizde demokratııalyq protsesterdi nyǵaıtý men damytýǵa yqpal etedi», - dedi Senat spıkeri.
Budan buryn habarlanǵandaı, búgin Senattyń jalpy otyrysynda «Respýblıkalyq referendým týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly» Konstıtýtsııalyq zań jobasy qaraldy. Qujatqa túzetý engizilgendikten zań jobasy Májiliske qaıtaryldy.
Senatorlar «Referendým týraly» Zańnan Elbasy týraly normany alyp tastady.