Konstıtýtsııa qurdasy Alan Turlanov týǵan kúninde 5 adamdy órtten qutqarǵan

ATYRAÝ. QazAqparat – Atyraýda polıtsııa qyzmetkeri bolyp jumys isteıtin Alan Turlanovtyń jasy 25-te. Konstıtýtsııa qurdasy óziniń týǵan kúninde áriptesimen birge 5 adamdy órtten qutqarǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, Alan Turlanov 1995 jyly 24 qazanda Atyraý qalasynda dúnıege kelgen. 2014 jyly Kaspıı mańynyń osy zamanǵy kolledjin quqyqtanýshy mamandyǵymen bitirip, Qarýly Kúshter

qatarynda qyzmet etken. Áskerden oralǵan soń Іshki ister departamentiniń qurylymynda taǵylymdamadan ótken. Al, 2017 jyly Іshki ister mınıstrliginiń M.Bókenbaev atyndaǵy Aqtóbe zań ınstıtýtyna tyńdaýshy bolyp qabyldanǵan.

Polıtsııa qataryndaǵy jumysyn Mıgratsııa basqarmasynyń zańsyz mıgratsııaǵa qarsy

kúres vzvodynyń kishi ınspektory retinde bastady. Keıin Atyraý qalalyq polıtsııa basqarmasynyń jol-patrýldik polıtsııa batalonyna aýysqan. Qazir atalǵan batalonda ınspektor bolyp jumys isteıdi.

«2019 jyldyń 24 qazanynda tańerteńgilik mezgilde kezekshilikte júrgen polıtsııa kishi leıtenanty Alan Turlanov pen polıtsııa kishi serjanty Talǵat Óteshqalıev Avangard-2 yqshamaýdanyndaǵy 5 qabatty turǵyn úıden órtti baıqap qalǵan. Polıtsııa qyzmetkerleri Tótenshe jaǵdaılar departamentiniń dıspetcherlik pýltine habarlap, ózderi adamdardy

dereý qutqarýǵa umtylǵan. Olar kóp qabatty úıge kelgende kireberisti qoıý qara tútin tumshalap turǵan. Soǵan qaramastan polıtseıler órtenip jatqan páterden 2 áıel men 3 balany aman alyp shyqqan. Sol kezde órt 40 sharshy metrdi sharpyǵan edi» -

dep habarlady departamenttiń baspasóz qyzmeti.

Eske sala ketelik, buǵan deıin Atyraýda Jaıyqqa batqan balalardy qutqarǵan polıtsııa qyzmetkerleri týraly jazǵan edik.