Konstıtýtsııa kúni: Jastar resýrstyq ortalyǵynyń qyzmetkerleri kókshetaýlyqtardy quttyqtady

KÓKShETAÝ. QazAqparat - Aqmola oblysynyń Jastar resýrstyq ortalyǵynyń qyzmetkerleri Kókshetaý qalasynyń turǵyndaryn Konstıtýtsııa kúnimen quttyqtady, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, epıdemıologııalyq jaǵdaıǵa baılanysty elimizde Konstıtýtsııa kúni kontsertsiz jáne kópshiliktiń qatysýynsyz tynysh atalyp ótýde. Aqmola oblysynyń Jastar resýrstyq ortalyǵynyń qyzmetkerleri karantındik talaptardy saqtaı otyryp, óńir turǵyndaryn quttyqtaý boıynsha aktsııa ótkizdi.

Ortalyq qyzmetkerleri aqmolalyqtardy quttyqtaý úshin jalaýsha jáne ashyq hat ustap, Kókshetaý qalasynyń ortalyǵyna shyqty. Aktsııa barysynda 2 myńnan astam oblys ortalyǵynyń turǵyndary men qonaqtaryn quttyqtady.

«Men Kókshetaýǵa astanadan jumys babymen keldim. Quttyqtaý alyp qýanyp qaldym. Ulttyq sımvoldyń sýreti bar fýtbolka kıip, qoldaryna jalaýsha alǵan jastardyń quttyqtaýy shynaıy merekelik kóńil kúı syılady. Barshamyz úshin qıyn ýaqyt – karantın kezinde mundaı sharalardy ótkizý árıne qajet. Uıymdastyrýshylarǵa zor alǵys aıtqym keledi», - dep qýanyshymen bólisti qala qonaǵy Jánel Kókshenova.

Jastar resýrstyq ortalyǵy qyzmetkerleriniń aıtýynsha, aýdandyq fılıaldarǵa estafeta tapsyryldy. Sol sebepti, olar aýdan turǵyndaryn da merekemen quttyqtaıtyn bolady.