Konstıtýtsııa kúni Astanada qandaı sharalar ótedi

ASTANA. QazAqparat – Astana qalasynda Konstıtýtsııa kúnine arnalǵan sharalar 3 qyrkúıekke deıin jalǵasady. Bul jaıynda óńirlik kommýnıkatsııalar qyzmetinde ótken baspasóz máslıhatynda aıtyldy, dep habarlaıdy QazAqparat tilshisi.

Konstıtýtsııa kúnine arnalǵan sharalardyń ishindegi eń aýqymdysy - Majarstan, Grýzııa, Izraıl jáne Ózbekstannan kelgen ónerpazdardyń qatysýymen ótetin «The Spirit of Astana» halyqaralyq zamanaýı etnıkalyq mýzyka festıvali bolmaq. Brıfıngte mýzykalyq sharanyń 30 tamyzda saǵat 12.00-den 22.00-ge deıin «EHRO» kórme kesheniniń aýmaǵynda ótetini aıtyldy.

Sondaı-aq, 30 tamyzda saǵat 14.00-den 21.00-ge deıin elorda turǵyndary men qonaqtary Ortalyq qalalyq saıabaqtaǵy «Salem fest» boıaý festıvaline qatysa alady.

Saǵat 19.00-de elordadaǵy Amfıteatrda Dequine, Moldanazar, Mıras Júginisov sııaqty tanymal ónerpazdardyń kontserti uıymdastyrylady.

Osy kúni saǵat 12.00-de Ázirbaıjan Mámbetov atyndaǵy Memlekettik drama jáne komedııa teatrynyń aldyndaǵy ashyq alańda kontsert ótedi. 2 qyrkúıekte óner ordasy Sh. Aıtmatovtyń «Borandy beket» dramasymen teatr maýsymyn ashady.

1-3 qyrkúıekte Qýyrshaq teatry «Aldar kóse» halyq ertegisi negizinde spektakl usynady.

Soondaı-aq, «Kóktal», «Úrker», «Óndiris», «Internatsıonalnyı» turǵyn alaptarynda «Keruen Fest» merekelik baǵdarlamasy uıymdastyrylady. 30 tamyzda saǵat 12.00-de «Kóktal» shaǵyn aýdanynyń «Qorǵaljyn» saıabaǵynda tegin merekelik kontsert josparlanǵan.

Astana qalasynyń birikken murajaılar dırektsııasynda «Táýelsizdik tiregi – Ata Zań», «ıAdrolyq qarýsyz álem – Qazaqstannyń jahandyq mıssııasy» dáristeri, sondaı-aq «Ata Zańym - aıbynym» kórmesi ótedi. Ortalyqtandyrylǵan kitaphana júıesiniń kitaphanalarynda oqyrmandar úshin sheberlik synyptary men tanymdyq-oıyn-saýyq sabaqtary ótedi.

«Aldaǵy kúnderi elordanyń bes aýdanynda jergilikti turǵyndar úshin «Kóńildi start» estafetasy ótedi. Esil aýdany uıymdarynyń erler komandalary arasynda fýtboldan joldastyq kezdesý josparlanǵan», - deıdi qalalyq dene shynyqtyrý jáne sport basqarmasynyń basshysy Samat Jylqybaev.

Mereke kúni dene shynyqtyrý-saýyqtyrý sport kesheninde uldar men qyzdar arasynda estafeta josparlanǵan. «Nura» dene shynyqtyrý-saýyqtyrý kesheninde №7 balalar-jasóspirimder sport mektebiniń sportshylary arasynda shaǵyn fýtboldan merekelik joldastyq kezdesý ótedi.