Konstıtýtsııa aıasynda eńbek etýdi memlekettik ınstıtýttar tolyq júzege asyrýǵa qabiletti bolǵanda memlekettiń bedeli arta túsedi - Senat depýtaty
Quqyq qorǵaý organdary ár adamnyń quqyǵyn saqtaýǵa, qorǵaýǵa, qyzmet etýge mindetti ekendigine basa nazar aýdarǵan ol «kóp jaǵdaıda olar, ıaǵnı laýazymdy, memlekettik qyzmetkerler ózderiniń bıligin, yqpalyn arttyrýǵa tyrysady. Tómennen joǵaryǵa deıin adamdy ózine táýeldi etkisi keledi. Osy sanany joıǵanda ǵana biz qoǵamda zań bedelin kóteremiz. Osyndaı meshel kózqaras, minezden arylatyn kez keldi. Konstıtýtsııa bizdi ómirdiń sáýleli, ozyq jaǵyna, damý, órkendeý jaǵyna jeteleıdi», dep erekshe atap ótti.
Senatordyń pikirinshe, quqyqtyq memleket, qoǵam qurý úshin zań tyńdaıtyn, zań syılaıtyn, zańdy saqtaıtyn memlekettik ınstıtýttar, qyzmetkerler, azamattar qoǵamyn qalyptasyrýymyz qajet. Sebebi bul dúnıejúzilik qoǵamdastyqtyń eń basty qundylyqtary bolyp sanalady.
«Qazirgi kezde álemniń Qazaqstandy moıyndap, Qazaqstan pikirine qulaq asýy, eń aldymen bizdiń Konstıtýtsııamyzdyń jobasyn daıyndaýǵa tikeleı basshylyq etip, onyń oryndalýyna aıryqsha eńbek sińirip kele jatqan Prezıdentimizdiń qaıratkerlik eńbegi men daryndy qabileti, tapqyrlyǵy arqyly kelgen halyqaralyq bedeli. Aldaǵy kezeńde osyndaı jaýapkershilikti, Konstıtýtsııa aıasynda eńbek ete bilýdi memlekettik ınstıtýttar tolyq qandy júzege asyrýǵa qabiletti bolǵanda memlekettiń de bedeli arta túspek», dep qorytty oıyn Q.Sultanov.