Konstantın Gorovenko «Atyraý» komandasynyń bas bapkeri boldy

<p>ASTANA. KAZINFORM -&nbsp; &laquo;Atyraý&raquo; komandasy bas bapkeri qyzmetine qazaqstandyq Konstantın Gorovenko taǵaıyndaldy.</p>

Qazaqstandyq maman buǵan deıin «Qaırat-Jastar», «Jetisý», «Shahter», «Maqtaaral», «Atyraý» jáne «Kaspıı» komandalary tizginin ustaǵan. Sondaı-aq elimizdiń 21 jasqa deıingi jastar quramasynda basshylyq etti.

Konstantın Gorovenko 2021-2022 jyldarda atyraýlyq komandanyń tizginin ustaǵan edi. Byltyr birinshi lıgada aqtaýlyq «Kaspıı» klýbynyń bas bapkeri boldy.

Sondaı-aq Denıs Nıkolaevıch Mamonov «Atyraý» fýtbol klýby bas bapkeriniń kómekshisi qyzmetine taǵaıyndaldy.

Al «Atyraý» komandasyna sońǵy eki jylda belarýstik Vıtalıı Jýkovskıı bas bapker boldy. Komanda eki jylda da jetinshi orynnan aryǵa asa alǵan joq.

Eske salsaq, taǵy bir qazaqstandyq bapker Qaırat Nurdáýletov bıyl Birinshi lıgada oınaıtyn pavlodarlyq «Ertis» fýtbol klýbynyń bas bapkeri atandy.

Al moldovalyq maman Andreı Martın «Ordabasy» fýtbol klýbynyń bas bapkeri qyzmetine keldi.