Konor Makgregor Irlandııa prezıdenti bolǵysy keledi
16:42, 06 Qyrkúıek 2024
<p>ASTANA. KAZINFORM — Irlandııalyq aralas jekpe-jek sheberi, UFC birneshe dúrkin chempıony Konor Makgregor 2025 jyly ótetin prezıdent saılaýyna qatysýǵa nıetti ekenin jetkizdi. </p>
Ol bul jaıynda X (Twitter) paraqshasynda jazdy.
Irlandııada prezıdent 7 jylǵa saılanady. Sońǵy eki merzim qatarynan bul qyzmetti Maıkl Hıggıns atqaryp kele jatyr. Ol 2011 jáne 2018 jylǵy saılaýda jeńiske jetken.
Irlandııa konstıtýtsııasy boıynsha bir adam prezıdenttikke eki merzimnen artyq saılana almaıdy. Kelesi saılaý 2025 jyly ótedi.
Konor Makgregor — UFC tarıhyndaǵy bir mezgilde eki salmaqtan belbeýli bolǵan alǵashqy sportshy. Sońǵy jyldary UFC alańynda jekpe-jekke shyǵyp júrgen joq.
Sońǵy aıqasy 2021 jyly Dastın Porege qarsy ótken. Sol kezdesýde aıaǵyn syndyryp, jeńilip qalǵan ol rıngke áli oralmady.