Qonys aýdarýshylarǵa kórsetiletin qyzmetter avtomattandyrylady

<p>ASTANA. KAZINFORM &ndash; 2025 jyldyń naýryzynan qonys aýdarýshylarǵa memlekettik qoldaý sharalaryn kórsetý qyzmetteri avtomattandyrylady. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan.</p>

«Qonys aýdarý baǵdarlamalarynyń ashyqtyǵyn arttyrý maqsatynda Úkimet 2023 jylǵy qazannan bastap, Jumys kúshiniń mobıldiligin arttyrý úshin adamdardyń erikti túrde qonys aýdarý qaǵıdalaryna birqatar túzetý engizý boıynsha jumys júrgizdi. Atap aıtqanda, ózgerister qonys aýdarýshylar satyp alatyn turǵyn úıdi mindetti baǵalaý talaptaryna, qonys aýdarýshynyń sertıfıkat boıynsha aqshalaı tólemdi erli-zaıyptylardan jáne jaqyn týystarynan jyljymaıtyn múlik satyp alýǵa paıdalanýyna jol bermeýge, sondaı-aq jyljymaıtyn múlikti satýǵa 5 (bes) jyl boıy tyıym salýǵa qatysty boldy», - dedi Úkimet basshysy jaýabynda.

Onyń atap ótinshe, múddeler qaqtyǵysyna jol bermeý maqsatynda sertıfıkat boıynsha aqshalaı tólemderdi taǵaıyndaý fýnktsııalary mansap ortalyqtarynan eńbek mobıldiligi ortalyqtaryna berildi.

«Budan basqa, qonys aýdarýshylardy qabyldaýdyń óńirlik kvotasyna engizý jáne olarǵa memlekettik qoldaý sharalaryn kórsetý jónindegi memlekettik qyzmetterdi 2025 jylǵy naýryzdan bastap avtomattandyrý josparlanýda. Memlekettik kórsetiletin qyzmetterdiń osy túrlerin tsıfrlandyrý qonys aýdarýshylar men eńbek mobıldiligi ortalyqtary arasyndaǵy sharttyq mindettemelerdiń oryndalýyn naqty monıtorıngteýge múmkindik beredi», - dedi Oljas Bektenov.