Tarıhı ǵımarat Altynsarın kóshesi, 124 mekenjaıynda ornalasqan. Onyń tarıhy XIX ǵasyrdyń sońy men XX ǵasyrdan bastalady. Ol Tobyl óńiriniń belsendi qonystaný dáýirinde salynǵan jáne qalanyń qalyptasýynda mańyzdy ról atqarǵan qonys aýdarý basqarmasy kesheniniń bir bóligi bolǵan.
Qonys aýdarý basqarmasy – halyqtyń tyǵyz qonystanǵan aımaqtarynan az qonystanǵan óńirlerge kóshirilýin uıymdastyrǵan burynǵy memlekettik organ.
Onyń basty mindeti – sharýalarǵa jer alyp, jańa óńirlerdi mysaly, Sibir men Qazaqstannyń soltústik bólikterin ıgerýge kómektesý.
Ýaqyt óte kele sáýlet eskertkishiniń syrtqy kelbeti ishinara ózgeriske ushyraǵan. Búginde ǵımarattyń keıbir qasbettik elementteri búlingenimen, tarıhı nysannyń negizgi sıpaty saqtalyp qalǵan. Tastan órilgen qabyrǵalar men sándik bólshekter Qostanaıda ákimshilik jáne qoǵamdyq ǵımarattar qarqyndy salynǵan sol dáýirdiń qurylys dástúrlerin eske salady.
1964 jyldan beri burynǵy qonys aýdarý basqarmasynyń ǵımaratynda olımpıadalyq rezervtegi balalar men jasóspirimder sport mektebiniń Vladımır Matvıenko atyndaǵy zal ornalasqan. Osylaısha ǵımarat búginge deıin qalaǵa qyzmet etýdi jalǵastyryp keledi, ıaǵnı endigi ýaqytta qostanaılyq sportshylar jańa býynyn tárbıeleıtin oryn.
Buǵan deıin Qazaqstandaǵy eń tanymal tarıhı oryndar týraly jazǵan bolatynbyz.