Konfessııalardyń pandemııa kezindegi dıalogy elordadaǵy halyqaralyq konferentsııada talqylandy

NUR-SULTAN. QazAqparat – Búgin Nur-Sultan qalasynda N.Nazarbaev atyndaǵy Konfessııaaralyq jáne órkenıetaralyq dıalogty damytý ortalyǵynda «Pandemııa jaǵdaıyndaǵy konfessııaaralyq jáne órkenıetaralyq dıalog» taqyrybynda halyqaralyq onlaın konferentsııa ótti, dep habarlaıdy QazAqparat.

Onlaın-konferentsııaǵa QR Aqparat jáne qoǵamdyq damý vıtse-mınıstri Marat Ázilhanov, Qasıetti Prestoldyń dinaralyq dıalog jónindegi Papa keńesiniń Islammen baılanys bóliminiń meńgerýshisi (Vatıkan) - Haled Akashe, Islamabad halyqaralyq ıslam ýnıversıteti Islamdy zertteý ınstıtýtynyń bas dırektory (Pákistan) - Muhammad Zııa Ýl-Hak, sondaı-aq halyqaralyq uıymdar, Qazaqstannyń dinı birlestikteri men ǵylymı sarapshylar qaýymdastyǵy ókilderi qatysty.

Konferentsııa barysynda qatysýshylar pandemııa kezinde jalpy adamzattyq rýhanı qundylyqtardy nyǵaıtýǵa, bitimgershilik, toleranttylyq, beıbitshilik pen kelisimdi ilgeriletýge baǵyttalǵan konfessııaaralyq dıalogty damytýdyń ózekti máselelerin talqylady.

Marat Ázilhanov óz sózinde dinı birlestikter men azamattyq qoǵam birtutas bolýy kerek ekenin, álemdi jaýlaǵan dert kezinde, qaýip-qater men qorqynyshty tek birlik, jasampazdyq, aýyzbirshilik qasıetter arqyly jeńýge bolatynyn alǵa tartty.

Іs-sharaǵa qatysýshylar konferentsııany qorytyndylaı kele, jalpy adamzattyq rýhanı qundylyqtardy nyǵaıtý úshin dinaralyq dıalogty tıimdi damytý, qoǵam men memleketterdiń kúsh-jigerin biriktirý búginde búkilálemdik qaýymdastyq úshin óte mańyzdy degen pikirge keldi.