Konferentsııa lıgasy: «Tobyl» jarysty erte aıaqtady

<p>ASTANA. KAZINFORM &ndash; Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq &laquo;Tobyl&raquo; jarysty aıaqtaýǵa májbúr boldy.</p>

Jarystyń atalǵan satysynda qostanaılyq klýb qıyn qarsylasqa tap boldy. Shveıtsarııalyq «Sankt-Gallen» klýbymen jup quraǵan olar alǵashqy kezdesýde 1:4 esebimen jeńilip qalǵan edi. Sondyqtan qarymta kezdesýde qostanaılyq klýb kem degende úsh dop aıyrmasymen jeńýi qajet bolatyn.

Qostanaıda ótken oıynda alań ıeleri degenine jete alǵan joq. Tájirıbeli qarsylasynyń qaqpasynan sańylaý taba almady. Esesine óz qaqpasyna 73-mınýtta bir gol jiberip aldy.

Sondaı-aq tártip buzýyna baılanysty qostanaılyq klýbtan Essen Ededem men Beıbit Ǵalym qyzyl qaǵaz alyp, alańnan qýylyp ketti.

Aıta ketsek, budan buryn «Ordabasy» penaltıler serııasy arqyly «Dıfferdanj-03» komandasynan basym tústi.

Al Marın Tomasovtyń jalǵyz goly «Astanany» Konferentsııa lıgasy úshinshi kezeńine alyp shyqty.