Konferentsııa lıgasy: «Ordabasy» jarys jolyn aıaqtady

<p>ASTANA. KAZINFORM - Búgin fýtboldan UEFA Konferentsııa lıgasynyń úshinshi irikteý kezeńinde qazaqstandyq &laquo;Ordabasy&raquo; Armenııanyń &laquo;Pıýnık&raquo; komandasymen qarymta oıyn ótkizdi.</p>

Eki komanda arasyndaǵy alǵashqy oıynda shymkenttik klýb qarsylasyna 0:1 esebimen jol bergen edi. 

Sondyqtan jankúıerler shymkenttik klýb alǵashqy mınýttan tizgindi qolǵa alyp, eki oıynnyń nátıjesimen tarazy basyn teńestiredi degen úmiti boldy. Dese de «Ordabasy» armenııalyq klýbtyń osal tusyn taba alǵan joq. 

Kezdesý barysynda ıÝsýf Otýbandjo 66-mınýtta soqqan goly «Pıýnık» komandasyn pleı-off satysyna alyp shyqty. Ol alǵashqy oıynda da «Ordabasy» qaqpasynan sańylaý tapqan edi.

Shymkenttik klýb qarsylasyna 0:1 esebimen ese jiberip, jarys jolynan shyǵyp qaldy. 

Armenııalyq klýb osal komanda emes. 2022/23 jylǵy maýsymda Konferentsııa lıgasynda toptyq kezeńde synǵa tústi. Toptyq kezeńde Shveıtsarııanyń «Bazel» (1:2, 1:3), Chehııanyń «Slovan» (2:0, 1:2), Lıtvanyń «Jalgırıs» (2:0, 1:2) komandalarymen synǵa túsip, úshinshi orynǵa turaqtady. 

Eske salsaq, budan buryn elordalyq «Astana» Konferentsııa lıgasy úshinshi irikteý kezeńinde Rýmynııanyń «Korvınýl» komandasyn (2:1, 6:1) jeńip, pleı-off satysyna joldama aldy.