Konferentsııa lıgasy: «Ordabasy» syrt alańda «Dıfferdanj-03» komandasymen oınaıdy

<p>ASTANA. KAZINFORM - Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq &laquo;Ordabasy&raquo; syrt alańda Lıýksembýrgtiń &laquo;Dıfferdanj-03&raquo; komandasymen kezdesedi. Oıyn Qazaqstan ýaqytymen 21:50-de bastalyp, &laquo;Qazsport&raquo; telearnasynan tikeleı efırde kórsetiledi.&nbsp;</p>

Match 23 shildede Mýnıtsıpıaldyq stadıonda ótedi. Syıymdylyǵy 3 500 adamǵa arnalǵan stadıon 2012 jyly paıdalanýǵa berilgen.

Aıta ketsek, atalǵan oıynda norvegııalyq Mohammad Aslam bas tóreshi qyzmetin atqarady. Oǵan otandastary Iorgen Valstadstve men Alf Olav Rosslann kómektesedi. 

«Dıfferdanj-03» komandasy ózimen attas qalada ornalasqan. Bul ujym 2003/2004 jylǵy maýsymda qaıta qurylǵan. Sodan beri óz tarıhynda byltyr chempıondyq ataqqa qol jetkizdi. Qarsylastar qaqpasyna 30 kezdesýde 70 gol soqty. Onyń 25-i portýgalııalyq forvard Jorjınonyń enshisine jazylǵan. 

Keıingi eki jyl qatarynan olar eýrokýbok oıyndarynda synǵa túsýge múmkindik aldy. Degenmen ekeýinde de Konferentsııa lıgasynyń birinshi kezeńinen asa alǵan joq. 

Aıta keterligi, eki jyl qatarynan olar slovenııalyq komandalarmen kezdesti. Aldymen «Olımpııaǵa» 2:3, odan keıin «Marıborǵa» 4:5 esebimen qosymsha kezeńde jol berdi. 

«Ordabasy» fýtbol klýby «Dıfferdanj-03» komandasyn jeńgen jaǵdaıda úshinshi iriktý kezeńinde «Strýga» (Makedonııa) - «Pıýnık» (Armenııa) arasyndaǵy kezdesýdiń jeńimpazymen kezdesedi.