Konferentsııa lıgasy: «Ordabasy» «Dıfferdanj-03» komandasyna ese jiberdi

<p>ASTANA. KAZINFORM - Fýtboldan UEFA Konferentsııa lıgasynyń ekinshi irikteý kezeńinde qazaqstandyq &laquo;Ordabasy&raquo; syrt alańda Lıýksembýrgtiń &laquo;Dıfferdanj-03&raquo; komandasymen kezdesti.</p>

Oıyn barysynda shymkenttik klýb birden tizgindi óz qolyna alýǵa tyrysqan edi. Oǵan lıýksembýrgtik fýtbolshylar laıyqty tótep bere bildi. Esesine qarymta shabýyl uıymdastyrdy. Osyndaı sátterdiń birinde «Dıfferdanj-03» sapynan Jorjıno 37-mınýtta esep ashyp ketti. Odan keıin shymkenttik klýb tarazy basyn teńestirýge umtyldy. Degenmen birinshi kezeńde tablodaǵy esepke ózgeris engen joq.

Ekinshi kezeńde «Ordabasynyń» bas bapkeri Aleksandr Sednev fýtbolshylar Sultanbek Astanov pen Artem Besedındi Rejınaldo men Dembo Darboǵa aýystyrdy. 

Dese de tarazy basyn teńestirýge múmkindik bolǵan joq.

Osylaısha «Ordabasy» qarsylasyna 0:1 esebimen ese jiberdi.

Qarymta oıyn 1 tamyzda Shymkent qalasynda ótkiziledi.

Eske salsaq, budan buryn Chempıondar lıgasy birinshi irikteý kezeńinde shymkenttik «Ordabasy» Moldovanyń «Petrokýb» klýbyna (0:0, 0:1) jol berdi.

Endi 25 shildede Konferentsııa lıgasy ekinshi irikteý kezeńinde elordalyq «Astana» Moldovanyń «Mılsamı», Qostanaıdyń «Tobyly» shveıtsarııalyq «Sankt-Gallen» komandasymen kezdesedi.