Konferentsııa lıgasy: Qazaqstandyq klýbtardyń yqtımal qarsylastary anyqtaldy
22:45, 22 Shilde 2024
<p>ASTANA. KAZINFORM - Qazaqstandyq «Astana», «Ordabasy» jáne «Tobyl» komandalarynyń fýtboldan Konferentsııa lıgasy úshinshi irikteý kezeńindegi yqtımal qarsylastary anyqtaldy.</p>
«Ordabasy» atalǵan týrnırdiń ekinshi irikteý kezeńinde 23 shilde men 1 tamyzda «Dıfferdanj-03» komandasyn jeńgen jaǵdaıda «Strýga» (Makedonııa) - «Pıýnık» (Armenııa) jubynyń jeńimpazymen kezdesedi.
Jarys jolyn Konferentsııa lıgasy ekinshi irikteý kezeńinen bastaǵan «Astana» aldymen 25 shilde men 1 tamyz kúnderi Moldovanyń «Mılsamı» klýbymen sheberlik baıqasady. Bul kezeńnen ótken jaǵdaıda olar úshinshi irikteý kezeńinde «Korvınýl» (Rýmynııa) - «Rıeka» (Horvatııa) jubynyń jeńimpazymen jasyl alańǵa shyǵady.
Al «Tobyl» atalǵan týrnırdiń ekinshi irikteý kezeńinde 25 shilde men 1 tamyz kúnderi shveıtsarııalyq «Sankt-Gallen» klýbyn qapy qaldyrǵan jaǵdaıda «Rıga» (Latvııa) - «Shlensk» (Polsha) klýbynyń jeńimpazymen oınaıdy.