Konferentsııa lıgasy: Búgin «Astana» norvegııalyq komandamen qarymta kezdesý ótkizedi

<p>ASTANA. KAZINFORM - Búgin fýtboldan UEFA Konferentsııa lıgasynyń pleı-off kezeńinde qazaqstandyq &laquo;Astana&raquo; Norvegııanyń &laquo;Brann&raquo; komandasymen qarymta oıyn ótkizedi.&nbsp;</p>

Kezdesý 29 tamyzda Almaty qalasynda jergilikti ýaqytpen 19:00-de bastalyp, «Sports+» telearnasynan tikeleı efırde kórsetiledi.

Eki komanda arasyndaǵy alǵashqy kezdesýde elordalyq klýb qarsylasyna 0:2 esebimen ese jiberdi. 

Atalǵan oıynda bas tóreshi mindetin makedonııalyq Aleksandar Stavrev atqarady. Oǵan otandastary Deıan Kostadınov pen Gotse Petreskı kómektesedi. Tórtinshi tóreshi de sol eldiń ókili – Igor Stoıchevskı.

«Astana» týrnırdi ekinshi irikteý kezeńinen bastap, alǵashqy aınalymda Moldovanyń «Mılsamı» klýbyn (1:0, 1:1) qapy qaldyrsa, odan keıin Rýmynııanyń «Korvınýl» komandasynan (2:1, 6:1) basym tústi.

«Brann» komandasy Bergen qalasynda 1908 jyly qurylǵan. Norvegııa chempıonatynda úsh márte jeńis tuǵyryna kóterildi. Búginge deıin eýrokýbok oıyndarynda birneshe márte baq synady. 2007/08 jylǵy maýsymda UEFA kýbogynyń toptyq kezeńinde óz tobynda úshinshi oryn aldy.

Bıyl eýrokýboktyq oıyn maýsymynda Konferentsııa lıgasy ekinshi jáne úshinshi irikteý kezeńinde Nıderlandtyń «Goý Ehed Iglz» klýby (0:0, 2:1) jáne Shotlandııanyń «Sent-Mırrenz» komandasyn (1:1, 3:1) qapy qaldyrdy.