Konferentsııa lıgasy: «Astana» men «Korvınýl» kezdesýiniń tóreshiler quramy belgili boldy

<p>ASTANA. KAZINFORM &ndash; Fýtboldan Konferentsııa lıgasynyń úshinshi irikteý kezeńindegi &laquo;Astana&raquo; men &laquo;Korvınýl&raquo; (Rýmynııa) kezdesýinde túrkııalyq tóreshiler qyzmet atqarady.&nbsp;</p>

Bas tóreshi mindeti Atılla Karaoglanǵa júktelgen. Oǵan Djeıhýn Sesıgıýzel men Abdýlla Ezkara kómektesedi. Tórtinshi tóreshi de túrkııalyq – Chagdash Altaı. 

Aıta ketsek, «Astana» men «Korvınýl» (Rýmynııa) kezdesýi 14 tamyzda Almaty qalasynda ótedi. Match jergilikti ýaqytpen 19:00-de bastalady. 

Eki komanda arasyndaǵy alǵashqy oıynda astanalyq klýb qarsylasyn 2:1 esebimen jeńgen bolatyn. 

«Astana» týrnırdi ekinshi irikteý kezeńinen bastap, alǵashqy aınalymda Moldovanyń «Mılsamı» klýbyn (1:0, 1:1) qapy qaldyrdy. 

Sondaı-aq atalǵan týrnırdiń úshinshi irikteý kezeńinde 15 tamyzda shymkenttik «Ordabasy» syrt alańda Armenııanyń «Pıýnık» klýbymen qarymta oıyn ótkizedi. Alǵashqy kezdesýde qazaqstandyq komanda óz alańynda qarsylasyna 0:1 esebimen jol berdi.