Konferentsııa lıgasy: «Astana» komandasy jarysty aıaqtady

<p>ASTANA. KAZINFORM &mdash; ÝEFA Konferentsııa lıgasy jalpy kezeńiniń altynshy týrynda qazaqstandyq &laquo;Astana&raquo; Kıprdiń APOEL komandasymen teń oınady.</p>

Elordalyq komanda atalǵan kezdesýde jeńiske jetken jaǵdaıda pleı-off satysyna joldama alýy múmkin edi. Degenmen mundaı múmkindikke qol jetkize alǵan joq. 

Kezdesý barysynda kıprlik klýbtan Anastasıos Donıs 56-mınýtta esep ashty. Oǵan qazaqstandyq komandadan Kıpras Kajýkolovas 64-mınýtta bir golmen jaýap berdi.
Komandalar 1:1 esebine qanaǵat bildirip, tarasty.

«Astana» jalpy kezeńde bes upaı jınap, pleı-off satysyna shyǵa almaı qaldy.

Aıta ketsek, «Astana» atalǵan týrnırde bir márte jeńiske jetip, eki oıynda teń tússe, qalǵanynda qarsylastaryna ese jiberdi. Jalpy kezeńde 28-oryndy mise tutty.

Óz alańynda serbııalyq «TSTs Bachka-Topola» (1:0) komandasyn jeńse, portýgalııalyq «Vıtorııamen» (1:1) teń tústi. Syrt alańda Ýelstiń «Nıý-Seınts» (0:2), kıprlik «Pafos» (0:1), «Chelsı» (1:3) klýbtaryna ese jiberdi.