Konferentsııa lıgasynda «Astana» horvatııalyq «Dınamo Zagreb» komandasynan jeńildi

<p>Fýtboldan ÝEFA Konferentsııa lıgasy besinshi týrynda elordalyq &laquo;Astana&raquo; Horvatııanyń &laquo;Dınamo Zagreb&raquo; komandasymen kezdesti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Kezdesýdi elordalyq komanda fýtbolshylary belsendi bastady. Degenmen olardyń tarapynan kóp qatelik boldy.

Elordalyq komanda pleı-off satysyna ótý úshin osy kezdesýde jeńiske jetýge tıis edi.

Oıynnyń 12-mınýtynda horvatııalyq komanda qaqpasyna belgilengen penaltıden Dembo Darbo múlt ketti. 

Birinshi kezeńde tablodaǵy esepke ózgeris engen joq.

Ekinshi kezeńdi «Astana» fýtbolshylary belsendi bastaǵan edi.

Soǵan qaramastan 48-mınýtta horvatııalyq komandadan Gabrıel Vıdovıch mergendik tanytsa, Takýro Kaneko 79-mınýtta qorytyndy esepti belgiledi.

Osylaısha «Astana» qarsylasyna 0:2 esebimen jeńilip qaldy.

«Astana» men «Dınamo Zagreb» buǵan deıin bes márte sheberlik baıqasty. Bárinde horvatııalyq klýb basym tústi.

Qazirge deıin astanalyq klýb syrt alańda «Dınamo Zagrebke» 1:5, óz alańynda «Vıktorııa Plzenge» 1:2 esebimen jeńildi.

Sondaı-aq, «Balkanıdi» syrt alańda 2:1 esebimen tize búktirse, óz alańynda 0:0 esebimen teń oınady.

Endi 15 jeltoqsanda syrt alańda «Astana» Chehııanyń «Vıktorııa Plzen» komandasymen kezdesedi.