Konferentsııa lıgasy: «Astana» Almatyda «Vıtorııa» komandasyn qabyldaıdy

<p>ALMATY. KAZINFORM &mdash; &laquo;Astana&raquo; búgin fýtboldan Konferentsııa lıgasy jalpy kezeńiniń 4-týrynda Portýgalııanyń &laquo;Vıtorııa&raquo; (Gımaraınsh) komandasyn qabyldaıdy.</p>

Match Qazaqstan ýaqytymen saǵat 20.30-da bastalyp, «Qazsport» telearnasynan tikeleı efırde kórsetiledi.

Oıynnyń favorıti retinde portýgalııalyq klýbtyń sanalýy zańdy. Óıtkeni úsh kezdesýden keıin «Vıtorııa» 9 upaı jınady. Slovenııalyq «Tsele» (3:1), shvetsııalyq «ıÝrgorden» (2:1) jáne chehııalyq «Mlada-Boleslav» (2:1) komandasyn utqan portýgalııalyqtardyń Almatyǵa qydyryp kelmeıtini anyq.

Astanalyqtardyń qorjynynda 3 upaı ǵana bar. Alǵashqy oıynynda serbııalyq «TSTs Bachka-Topol» komandasyn 1:0 esebimen jeńgennen keıin Qazaqstan chempıony bolýdy kózdegen «Astananyń» bas bapkeri Grıgorıı Babaıan syrt alańdaǵy qos matchqa qosalqy quramdy apardy. Onymen chempıon da bola alǵan joq, Konferentsııa lıgasynda da ýelstik «Nıý-Seınts» (0:2) jáne kıprlik «Pafos» (0:1) klýbtaryna ese jiberdi. Sondyqtan elordalyqtardyń sheginer jeri joq.

Konferentsııa lıgasynda alǵashqy segizdikke kirgen komandalar birden 1/8 fınalǵa joldama alady. Sondaı-aq úzdik 24 klýbtyń qataryna ilikkender jarys jolyn jalǵastyrady.

Jalpy kestede «Vıtorııa» besinshi, «Astana» 25-orynda tur.

Eske sala keteıik, budan buryn fýtzaldan «Qaırattyń» elıtalyq kezeńde jeńiske jetkenin jazǵan bolatynbyz.

ÝEFA Chempıondar lıgasynda «Lıverpýl» madrıdtik «Realdy» jeńdi.