Konferentsııa lıgasy: «Astana» Almatyda «Chelsıden» jeńilip qaldy

<p>ASTANA. KAZINFORM &mdash; ÝEFA Konferentsııa lıgasy jalpy kezeńiniń besinshi týrynda qazaqstandyq &laquo;Astana&raquo; Almatyda Anglııanyń &laquo;Chelsı&raquo; komandasyn qabyldady.&nbsp;</p>

Anglııalyq klýb bul oıynǵa negizinen jastar quramyn alyp keldi. Soǵan qaramastan londondyq fýtbolshylar alǵashqy mınýttan elordalyq komanda qaqpasy mańynda jıi boı kórsetti.

Foto: Aleksandr Pavskıı/Kazinform

Nebári on toǵyz jastaǵy shabýylshy Mark Gıý qazaqstandyq komandanyń qorǵanys shebin biraz áýrege saldy. Oıynnyń 14-mınýtynda oń qanattan elordalyq fýtbolshylardy aldap ótip, Muhammedjan Seısen qorǵaǵan qaqpadan sańylaý taýyp ketti.

Foto: Aleksandr Pavskıı/Kazinform

«Chelsı» komandasy bul goldan keıin de basylǵan joq. Shabýyldy údete tústi. Sondaı sátterdiń birinde Mark Gıý 19-mınýtta taǵy bir márte mergendigimen kózge tústi. 
Al Renatý Veıga 40-mınýtta «Chelsıdiń» basymdyǵyn arttyra tússe, oǵan «Astananyń» jartylaı qorǵaýshysy Marın Tomasov 45-mınýtta bir golmen jaýap qaıyrdy.

Foto: Aleksandr Pavskıı/Kazinform

Aıta ketsek, «Astana» óz alańynda serbııalyq «TSTs Bachka-Topola» (1:0) komandasyn jeńse, portýgalııalyq «Vıtorııamen» (1:1) teń tústi. Syrt alańda Ýelstiń «Nıý-Seınts» (0:2), kıprlik «Pafos» (0:1) klýbtaryna ese jiberdi.

Qazirge deıin tórt týrda «Astananyń» enshisinde 4 upaı bar. Týrnır kestesinde 23-orynda tur.

Endi elordalyq klýb 19 jeltoqsanda syrt alańda Kıprdiń APOEL komandasymen sheberlik baıqasady.