ASTANA. KAZINFORM – Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq «Astana» alǵashqy oıynyn Moldovanyń «Mılsamı» komandasyna qarsy ótkizdi.
Kezdesý barysynda komandalar jyldam gol soǵýǵa tyrysty. Soǵan qaramastan birinshi kezeńde tablodaǵy esepke ózgeris engen joq.
Ekinshi kezeńde astanalyq komanla basymdyqty arttyrdy. Qos qanaǵattan jıi shabýyldar uıymdastyrdy. Nátıjesinde 57-mınýtta Nazmı Grıpshı «Astanany» alǵa shyǵardy.
Óz qaqpasyna gol jiberip alǵan «Mılsamı» tarazy basyn teńestirýge umtyldy. Jyldam shabýyldyń nátıjesinde birneshe qaýipti sátti uıymdastyrdy.
Oıynnyń 90-mınýttynda olardyń qatarynan Dennı Lýpano kózdegen nysanadan múlt ketken joq. Osylaısha komandalar 1:1 esebine qanaǵat bildirdi. Endi qostanaılyq «Tobyl» Qazaqstan ýaqytymen 23:00-de syrt alańda Shveıtsarııanyń «Sankt-Gallen» klýbymen jasyl alańǵa shyǵady.
Oıyn «Sport Plus Qazaqstan» telearnasynan tikeleı efırde kórsetiledi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.