Konferentsııa lıgasy: «Aqtóbe» búgin bosnııalyq «Saraevo» komandasymen sheberlik baıqasady

<p>ASTANA. KAZINFORM - Búgin, 11 shildede ÝEFA Konferentsııa lıgasynyń birinshi irikteý kezeńi aıasynda &laquo;Aqtóbe&raquo; óz alańynda bosnııalyq &laquo;Saraevo&raquo; komandasymen kezdesedi.&nbsp;</p>

Oıyn saǵat 20:00-de bastalyp, «Qazsport» telearnasynan tikeleı efırde kórsetiledi.

«Saraevo» komandasy 1946 jyly qurylǵan. Bosnıı jáne Gertsegovına birinshiliginde 1998/99, 2006/07, 2014/15, 2018/19, 2019/20 jyldardaǵy maýsymda chempıon atandy.

Atalǵan klýb eýrokýbok oıyndaryna turaqty túrde qatysyp keledi. Ázirge toptyq kezeńge jete alǵan joq.

Ótken maýsymda «Saraevo» óz eliniń birinshiliginde tórtinshi oryn aldy.

Komanda quramynda negizinen jergilikti fýtbolshylar oıyn kórsetedi. Oǵan qosa kolýmbııaly, ganalyq, brazılııalyq, grýzııalyq jáne ózge elderden kelgen oıynshylar bar.

Aıta ketsek, 14-týrǵa josparlanǵan «Atyraý» - «Aqtóbe» oıyny aqtóbelik komandanyń eýrokýbokqa qatysýyna baılanysty keıinge shegerildi.

Elordalyq «Astana» Eýropa lıgasyn ekinshi irikteý kezeńinen bastaıdy.

Sondaı-aq búgin Qostanaıdyń «Tobyly» fýtboldan Eýropa lıgasy birinshi irikteý kezeńinde Slovakııanyń «Rýjemberok» qkomandasymen kezdesedi.

Kezdesý elorda ýaqytymen 22:00-de bastalyp, «Sport Plus Qazaqstan» jáne «El Arna» telearnalarynan tikeleı efırde kórsetiledi.

Eske salsaq, budan buryn Chempıondar lıgasy birinshi irikteý kezeńinde «Ordabasy» moldovalyq «Petrokýb» komandasymen teń tústi.