Konferentsııa lıgasynda «Aqtóbe» «Torpedo Kýtaısı» komandasyn iri eseppen jeńdi

ASTANA. QazAqparat - Búgin qazaqstandyq «Aqtóbe» UEFA Konferentsııa lıgasy ekinshi irikteý satysyndaǵy alǵashqy oıynyn ótkizdi, dep habarlaıdy QazAqparat tilshisi.

Aqtóbelik klýb bul joly syrt alańda Grýzııanyń «Torpedo Kýtaısı» komandasymen kezdesti.

Kezdesý barysynda qazaqstandyq klýb senimdi oıyn kórsetti. Nátıjesinde 34-mınýtta «Aqtóbe» sapynan Álibek Qasym penaltıden múlt ketken joq. Al 43-mınýtta Mılosh Raıchkovıch esepti ústemelese. 73-mınýtta Maksım Samorodov basymdyqty arttyrdy.

Al «Torpedo Kýtaısı» sapynan Georgıı Arabıdze 89-mınýtta esep aıyrmasyn qysqartsa, 93-mınýtta «Aqtóbe» sapynan Andrııa Fılıppovıch mergendik tanytty.

Osylaısha «Aqtóbe» qarsylasynan 4:1 esebimen basym tústi.

Posmotret etý pýblıkatsııý v Instagram

Pýblıkatsııa ot FC AKTOBE | FK AKTOBE (@fcaktobe_official)

Qarymta oıyn 3 tamyzda bolady.

«Aqtóbe» jarystyń úshinshi satysyna ótken jaǵdaıda TsSKA Sofııa (Bolgarııa) jáne «Sepsı» (Rýmynııa) jubynyń jeńimpazymen kezdesedi.

Dál qazir «Bazel» (Shveıtsarııa) men «Tobyl» kezdesýi ótip jatyr. Oıynnyń 75-mınýtynan keıin qostanaılyq klýb 3:1 esebimen jeńip jatyr.

Eske salsaq, budan buryn Konferentsııa lıgasynda «Ordabasy» men «Legııa» teń túsken edi.