Konferentsııa lıgasy: «Tobyl» men «Aqtóbe» úshinshi irikteý satysyn bastaıdy

ASTANA. QazAqparat - Búgin fýtboldan UEFA Konferentsııa lıgasy úshinshi irikteý satysynda «Tobyl» men «Aqtóbe» alǵashqy oıyndaryn ótkizedi, dep habarlaıdy QazAqparat tilshisi.

Aldymen elorda ýaqytymen 20:00-de qostanaılyq «Tobyl» óz alańynda Soltústik Irlandııanyń «Derrı Sıtı» klýbyn qabyldaıdy.

Bul klýb 1928 jyly qurylǵan. Óz elinde 1965 jyly bir máre chempıon atanǵan.

Bıyl Konferentsııa lıgasynda aldymen Farer araldarynyń «HB Torshavn» (1:0, 0:0), odan keıin Fınlıandııanyń KýPS (2:1, 3:3) komandalaryn qapy qaldyryp ketti.

Al «Tobyl» Konferentsııa lıgasynyń alǵashqy eki irikteý satysynda Fınlıandııanyń «Honka» (0:0, 2:1), Shveıtsarııanyń «Bazel» (3:1, 1:2) klýbtaryn qapy qaldyrdy.

Atalǵan juptaǵy jeńimpaz ujym pleı-off satysynda «Vıktorııa» Plzen (Chehııa) men «Gzıra ıÝnaıted» (Malta) jubynyń jeńimpazymen jasyl alańǵa shyǵady.

Sondaı-aq, 23.00-de «Aqtóbe» syrt alańda Rýmynııanyń «Sepsı» klýbymen kezdesedi.

«Sepsı» 2011 jyly qurylǵan. 2016 jyly tuńǵysh ret Rýmynııanyń joǵary lıgasyna joldama aldy. Byltyr óz eliniń kýbogyn ıelenip, eýrokýbok oıyndaryna joldama aldy.

Aqtóbelik komanda Konferentsııa lıgasynyń ekinshi irikteý satysynda Grýzııanyń «Torpedo Kýtaısı» klýbyn (4:1, 1:2) orta jolda qaldyrdy.

Atalǵan juptaǵy jeńimpaz pleı-off satysynda «Býde-Glımt» (Norvegııa) jáne «Pıýnık» (Armenııa) jubynyń jeńimpazy qarsylas atanady.

Barlyq kezdesý «Qazsport» telearnasynan tikeleı efırde kórsetiledi.