Konferentsııa lıgasy: «Aqtóbe» úshinshi irikteý satysynda jarysty aıaqtady
Kezdesý barysynda komandalar tartysty oıyn ótkizdi. Alǵashqy mınýttan qarsylastar bir-biriniń qaqpasy mańynda shabýyl uıymdastyrdy. Dese de keıbirinde fýtbolshylar qatelikke boı aldyrsa, endigi bir sátte qaqpashylar sheberlik tanytty.
Ekinshi kezeńde de oıyn barysy dál osyndaı jaǵdaıda órbidi. Oıynnyń 67-mınýtynda «Sepsı» sapynan Nıkolae Peýn mergendik tanytty.
Osylaısha «Aqtóbe» qarsylasyna 0:1 esebimen ese jiberdi.
Alǵashqy kezdesýde komandalar 1:1 esebine qanaǵat bildirdi.
Eki oıynnyń nátıjesi boıynsha rýmynııalyq klýb joldama aldy.
Endi olar pleı-off satysynda Norvegııanyń «Býde-Glımt» komandasymen kezdesedi. Atalǵan ujym Armenııanyń «Pıýnık» klýbyn (0:3, 0:3) qapy qaldyrdy.
Aqtóbelik komanda Konferentsııa lıgasynyń ekinshi irikteý satysynda Grýzııanyń «Torpedo Kýtaısı» klýbyn (4:1, 1:2) orta jolda qaldyrdy.
Aıta ketsek, elorda ýaqytymen 00:00-de Eýropa lıgasy úshinshi irikteý satysynda «Astana» syrt alańda «Lýdogorets» (Bolgarııa) kezdesýi «Qazsport» telearnasynan tikeleı efırde kórsetiledi.
Al Konferentsııa lıgasy úshinshi irikteý satysynda elorda ýaqytymen 00.35-te Qostanaıdyń «Tobyly» syrt alańda Soltústik Irlandııanyń «Derrı Sıtı» komandasymen sheberlik baıqasady.
Bul oıyn ««Qazaqstan» telearnasynan tikeleı efırde kórsetiledi.