Konferentsııa lıgasy: «Aqtóbe» syrt alańda «Sepsı» komandasymen teń tústi

ASTANA. QazAqparat - Búgin fýtboldan UEFA Konferentsııa lıgasy úshinshi irikteý satysynda «Aqtóbe» Rýmynııanyń «Sepsı» komandasyna qarsy alǵashqy oıynyn ótkizdi, dep habarlaıdy QazAqparat tilshisi.

Kezdesý barysynda alǵashqy mınýttan eki komandanyń da esepti ózgertetin birneshe múmkindigi bolǵan edi. Dese de oıynshylar óz múmkindigin múlt jiberip alyp jatty.

Ekinshi kezeńde rýmynııalyq klýb basymdyǵyn arttyra tústi. Oǵan qazaqstandyq komanda laıyqty tótep bere bildi.

Ekinshi kezeńniń 65-mınýtynda áriptesi Maksım Samorodovtyń áýelete kótergen dobyn Elder Santana «Sepsı» qaqpasyna soǵyp ketti. Oǵan rýmynııalyq klýbtan Roland Varga 89-mınýtta bir golmen jaýap qaıyrdy.

Osylaısha komandalar 1:1 esebine qanaǵat bildirdi.

Aqtóbelik komanda Konferentsııa lıgasynyń ekinshi irikteý satysynda Grýzııanyń «Torpedo Kýtaısı» klýbyn (4:1, 1:2) orta jolda qaldyrdy.

Atalǵan juptaǵy jeńimpaz pleı-off satysynda «Býde-Glımt» (Norvegııa) jáne «Pıýnık» (Armenııa) jubynyń jeńimpazy qarsylas atanady.

Bul jupta alǵashqy kezdesýde «Býde-Glımt» 3:0 esebimen basym tústi.

Eske salsaq, budan buryn Konferentsııa lıgasy úshinshi irikteý satysynda «Tobyl» Soltústik Irlandııanyń «Derrı Sıtı» komandasyn súrindirdi.