Kóne Saýran qalashyǵyn abattandyrý máseleleri talqylandy
Basqosýǵa «Áziret Sultan» memlekettik tarıhı-mádenı qoryq-mýzeıiniń dırektory Nurbolat Ahmetjanov, Otyrar memlekettik arheologııalyq qoryq-mýzeıiniń dırektory Jangeldi Maqashev, Túrkistan qalasy ákiminiń orynbasary Jandos Tasov, «Qazqaıtajańǵyrtý» mekemesiniń ókilderi men tarıhshy, ǵalymdar, merdiger mekeme basshylary qatysty.
«Otyrysta Qoja Ahmet ıAsaýı kesenesi aýmaǵyndaǵy tarıhı oryndardy qaıta jańartý, jańǵyrtý jónindegi jobalardy úılestirý, ortaǵasyrlyq Saýran qalashyǵyn abattandyrý, sapar ortalyǵyn salý jáne týrıstik áleýetin arttyrý, Kúltóbe qalashyǵynyń tsıtadel bóliginiń jabynyn retke keltirý, Otyrar qalashyǵyndaǵy qaıta jańǵyrtý jumystary boıynsha máseleler talqylandy», delingen «Áziret Sultan» memlekettik tarıhı-mádenı qoryq-mýzeıiniń baspasóz qyzmeti taratqan habarlamada.