Kóne Saraıshyq qalasyndaǵy qazba jumystary qaıtadan bastaldy

ATYRAÝ. QazAqparat - Atyraý oblysy Mahambet aýdanynyń Saraıshyq aýylynda eski qalanyń ornyn qazý jumystary qaıta bastaldy, dep habarlaıdy «QazAqparat» HAA tilshisi. 

«Bir kezderi Uly Jibek jolynyń boıynda ornalasqan kóne Saraıshyq qalasynyń orny - «Qazaqstannyń kıeli jerleriniń geografııasy» nysandarynyń tizimine endi», - dedi Atyraý tarıhı-ólketaný murajaıynyń dırektory Rashıda Harıpova.

«Rýhanı jańǵyrý» baǵdarlamasyn júzege asyrý aıasynda bizdiń mýzeıimiz bıyl kóne qala ornyn qazý jumystaryn bastady. Sońǵy ret mundaı jumystar on jyl buryn júrgizilgen. Arheologtar qyrkúıek aıynyń sońyna deıin jumys isteıdi», - dep málim etti Rashıda Harıpova. Kóne Saraıshyq qalasyn zertteý baǵdarlamasy kelesi jyly da jalǵasatyn bolady.