Kontsert, jármeńke jáne joryq botqasy: Astananyń áskerı qalashyǵynda mereke qalaı atalyp ótti

ASTANA. QazAqparat – Úrker eldi mekeninde 7 mamyr merekesinde kontsert ótip, is-sharaǵa turǵyn alabynda ornalasqan Ulttyq gvardııa jedel brıgadasy áskerı orkestriniń sarbazdary da qatysty, dep habarlaıdy QazAqparat elorda ákimdiginiń resmı saıtyna silteme jasap.

Merekeniń qurmetti qonaqtary elorda men eldi mekenniń turǵyndary, sondaı-aq Ulttyq ulannyń №5573 áskerı bóliminiń otstavkadaǵy jáne qazirgi áskerı qyzmetshileri boldy.

«Ant bergen sátten bastap árbir áskerı qyzmetkerge qazaqstandyqtardyń beıbit ómirin saqtaý jaýapkershiligi júkteledi. Eldiń qorǵaýshysy bolý, Otan aldyndaǵy boryshyn oryndaý jáne ómirin Otanǵa qyzmet etýge arnaý aýyrtpalyq emes, bul – zor qurmet. Árbir áskerı qyzmetshini merekemen quttyqtaımyn!» - dedi QR Ulttyq ulany №5573 áskerı bóliminiń komandıri, polkovnık Aıan Esjanov.

Kontsert aıaqtalǵannan keıin qonaqtarǵa dalalyq as úıde daıyndalǵan botqa usynyldy. Taǵamdy eldiń Ulttyq gvardııasynyń sarbazdary daıyndady.

Mektep oqýshylary da merekeni uıymdastyrýǵa óz úlesterin qosty. Mysaly, jergilikti aýla klýbynyń aspazdyq úıirmesiniń qatysýshylary taýarlar jármeńkesin uıymdastyryp, ózderi daıyndaǵan túrli taǵam ónimderin satýǵa qoıdy.