Qonaqúı aldynda jappaı fotosessııa uıymdastyrǵan Sınagoga almatylyqtardyń ashýyna tıdi
Buǵan deıin jelide Rixos qonaq úıiniń aldynda qara kostıým kıgen kóp adamnyń sýretke túsip jatqany kórsetilgen vıdeo taraǵan edi.
«Nelikten olar úshin karantın joq?», - dep renishin bildiredi vıdeo avtory.
«Shekteý sharalaryn buzǵan uıymdastyrýshy – ortalyq Sınagoga. Ol dinı is-shara uıymdastyrǵan. Bul rette eshqandaı ótinim bolmaǵan. Atalǵan mekemeniń basshysyna qatysty zańǵa sáıkes 30 AEK (87 510 teńge) kóleminde ákimshilik yqpal etý sharasy qoldanyldy», - dep jaýap berdi qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Onyń aıtýynsha, qonaqúıdiń ózi shekteý sharalaryn buzbaǵan.
«Qonaqúı ishinde eshqandaı shara bolmaǵan. Olar tek syrtynda sýretke túsken. Bul bizge usynylǵan materıaldarǵa negizdelgen. Al qonaqúı basshylyǵy bul týraly bilmegen», - dep qosty sanıtar dáriger.