Qonaqúıler qandaı talaptarǵa saı bolýy kerek

<p>ASTANA. KAZINFORM &mdash; Kez-kelgen qonaqúıde, tipti &laquo;juldyz&raquo; bolmasa da, sanıtarlyq erejeler men gıgıenalyq erejelerdiń talaptary mindetti túrde saqtalýy kerek.</p>

Bul týraly Astana qalasynyń sanıtarııalyq-epıdemıologııalyq baqylaý departamenti basshysynyń orynbasary Mýhamǵalı Aryspaev aıtyp berdi. 

Mamannyń pikirinshe, qonaqúılerde saqtalýy tıis sanıtarlyq erejeler men gıgıenalyq erejelerdiń talaptary tómendegideı:

· Qonaqúıler jeke turǵan ǵımarattarda da, kópfýnktsıonaldy ǵımarattardyń, kóppáterli turǵyn úılerdiń quramynda da, jertóle jáne jertóle qabattarynda turǵyn úı-jaılardy ornalastyrýdy qospaǵanda, jeke kireberis oryndalǵan jaǵdaıda ornalastyrylýy múmkin.

· Qonaqúı aýmaǵy abattandyrylyp, taza ustalýy kerek.

· Nysan sýmen jabdyqtaý, sý burý jáne jylýmen jabdyqtaý júıelerine qosylady. Beriletin sýyq jáne ystyq sýmen jabdyqtaý sýy Qazaqstan Respýblıkasy Densaýlyq saqtaý mınıstriniń 2022 jylǵy 24 qarashadaǵy №QR DSM-138 buıryǵymen bekitilgen «Sharýashylyq-aýyz sý jáne mádenı-turmystyq sý paıdalaný qaýipsizdigi kórsetkishteriniń gıgıenalyq normatıvteriniń» talaptaryna sáıkes kelýge tıis.

· Obektilerdiń sýdy burý júıeleri sarqyndy sýdyń qaýipsiz aǵýyn kózdeıdi. Sanıtarııalyq-tehnıkalyq jeliler, qurylǵylar men aspaptar jaramdy kúıde bolady.

· Tabıǵı jáne jasandy jaryqtandyrý deńgeıi, sondaı-aq aýadaǵy zııandy zattardyń quramy Qazaqstan Respýblıkasy Densaýlyq saqtaý mınıstriniń 2022 jylǵy 16 aqpandaǵy № QR DSM-15 buıryǵymen bekitilgen «Adamǵa áser etetin fızıkalyq faktorlarǵa gıgıenalyq normatıvterdiń» talaptaryna sáıkes kelýge tıis.

· Jaryqtandyrý aspaptary lastanýdan ýaqtyly tazartylady, kúıgen shamdar aýystyrylady. Joǵary ylǵaldy shyraqtar qorǵanysh plafondarymen jabylady.

· 1 juldyzdy – 2 juldyzdy sanattaǵy qonaqúılerdiń jáne hostelderdiń turǵyn qabattarynda sáýlet, qala qurylysy jáne qurylys salasyndaǵy memlekettik normatıvter talaptaryna sáıkes turǵyn úı-jaılar shýdan qorǵalǵan jaǵdaıda qoǵamdyq maqsattaǵy úı-jaılardy (barlar, kafeler, býfetter, televızııalyq qonaq bólmeleri, iskerlik kezdesý bólmeleri, balalar bólmeleri jáne osyǵan uqsas qoǵamdyq maqsattaǵy úı-jaılar) ornalastyrýǵa jol beriledi.

· Turǵyn bólmelerde nemese bólmelerde aýany baptaý qamtamasyz etiledi. Qonaqúılerdiń ǵımarattarynda aýa baptaý júıesi bolmaǵan kezde sorý-syrtqa taratý jeldetkishimen jabdyqtalady. Jeldetý turǵyn bólmelerge, bólmege jáne jalpy úı-jaıǵa bógde ıisterdiń kirýin bógeıtin aýa aınalymyn qamtamasyz etedi.

· Qonaqúılerdiń bólmeleri men ortaq paıdalanylatyn oryndarynda kún saıyn ylǵaldy jınaý jáne jeldetý jumystary júrgiziledi. Kilem buıymdarynyń shańy qaǵylady, jumsaq jıhazdar tazartylady.

· Vannalar, ýnıtaz otyrǵyshtary men qaqpaqtary, bıde, sý aǵyzý jáne dárethana esikteriniń tutqalary kún saıyn dezınfektsııalaý eritindisimen óńdeledi. Dárethanalardyń ýnıtazdary jáne pıssýarlary dezınfektsııalaý eritindisimen óńdelgen arnaıy şetkanyń (ershterdiń) kómegimen dezınfektsııalaý quraldaryn paıdalana otyryp tazartylady jáne sýmen shaıylady jáne jýylady.

· Jınaý múkámmaly tańbalanady jáne úı-jaılardyń fýnktsıonaldyq maqsatyna qaraı qoldanylady, bólingen orynda (úı-jaıda) saqtalady.

· Dezınfektsııalaý úshin daıyndaýshynyń qoldaný jónindegi tehnologııalyq nusqaýlyǵyna sáıkes qoldanýǵa ruqsat etilgen dezınfektsııalaý quraldary qoldanylady. Dezınfektsııalaý, dezınsektsııalaý jáne deratızatsııalaý is-sharalaryn uıymdar normalaý qujattarynyń talaptary saqtalǵan kezde oryndaıdy.

· Qoqystardy jınaý úshin qatty jabyny bar alańda ornatylǵan konteınerler qoldanylady.

· Tósek jabyndylaryn, súlgi jáne olardy aýystyrý reti qonaqúıler servıs deńgeıine, jabdyqtalýyna baılanysty anyqtalady. Paıdalanylǵan tósek-oryn jabdyǵy paketterge (qapshyqtarǵa) jınalady, taza tósek-oryn jabdyqtaryn ashyq kúıde tasymaldaý júrgizilmeıdi. Paıdalanylǵan tósek jabdyqtary men jumys kıimderin jýý kir jýatyn oryndarda nemese jýý jáne keptirý fýnktsııasy bar kir jýý mashınasymen tikeleı obektilerde júrgiziledi.

· Personal úshin as ishý, jeke bas tazalyǵyn saqtaý, jeke jáne arnaıy kıimderdi bólek saqtaý úshin jaǵdaılar kózdeledi. Obektilerdiń jumyskerleri arnaıy kıimmen qamtamasyz etiledi.

· Jumysqa ornalasý kezinde, sondaı-aq arnaýly oqý oryndarynyń oqýshylary óndiristik praktıkadan ótý aldynda Qazaqstan Respýblıkasy Densaýlyq saqtaý mınıstriniń mindetin atqarýshynyń 2020 jylǵy 15 qazandaǵy № QR DSM-131/2020 buıryǵyna sáıkes medıtsınalyq tekserýden ótedi.

· Obektiniń ákimshiligi normalaý qujattarynyń talaptaryna sáıkes óndiristik baqylaý baǵdarlamasyn ázirleıdi, bekitedi jáne oryndaıdy.

Qonaqúı ıeleri men qyzmetkerleriniń joǵaryda atalǵan barlyq talaptardy oryndaýy adamdardyń qonaq úı sııaqty ýaqytsha turý obektisinde demalýyna jáne bolýyna qolaıly jaǵdaı jasaıdy.

Eske sala keteıik, buǵan deıin Almatyda qansha qonaqúı bar ekenin jazǵan bolatynbyz.