Qonaq úı, shıpajaı, bıznes ortalyqtary: taǵy qandaı aktıvter qaıtarylyp jatyr

<p>ASTANA. KAZINFORM &ndash; Qarjy mınıstrligi Memlekettik kirister komıteti iri salyq tóleýshiler departamentiniń dırektory Іńkár Elýbaı memleketke qaıtarylǵan aktıvter týraly aıtyp berdi.</p>

«Aktıvterdi qaıtarý boıynsha aqparattyq júıemizde bar málimetterdi ǵana usyna alamyz. Bizdiń júıede ǵımarattar, qurylystar, qonaq úı keshenderi, burynǵy shıpajaılar, temirjol tuıyqtary men bıznes ortalyqtary men sheteldegi qarjy shottary taǵy basqa bar. Olar memleketke qaıtaryldy, biraq tolyq statıstıkany ýákiletti organ beredi», - dedi Іńkár Elýbaı Memlekettik kirister komıtetinde ótken brıfıngide.

Onyń aıtýynsha, aktıvterdi memleketke qaıtarǵandardyń arasynda jeke jáne zańdy tulǵalar da bar.

«Onyń ishinde 2 myńnan astam jeke tulǵa bar. Aktıvterdi qaıtarý arqyly bıýdjetke 3 mlrd teńge tústi», - deıdi komıtet ókili.

Buǵan deıin ótken jyly paıdaly qazbalardy óndirýshilerden 160 mlrd teńge salyq túskeni týraly habarlaǵan edik.