Qonaevtaǵy oıynhanalar jabyla ma

<p>Ótken jyly Qonaev qalasyndaǵy oıyn bıznes sýbektileri shamamen 90 mlrd teńge salyq tóledi. Bul týraly Almaty oblysynyń ákimi Marat Sultanǵazıev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Búginde oblysta 5 oıynhana jáne oıyn bıznesiniń ózge de sýbektileri jumys istep tur. Eger oıyn bıznesi tóńireginde aıtar bolsaq, ol jaqta jumyspen qamtylǵandardyń sany 7,5 myń adamǵa jýyqtaıdy. 64 myńadam turatyn qala úshin bul óte úlken úles sanalady. Ótken jyly oıyn bıznesi sýbektileri 90 mlrd teńgege jýyq salyq tóledi», - dedi óńir ákimi Ortalyq kommýnıkatsııalar qyzmetindegi brıfıngide.

Marat Sultanǵazıev elimizdegi lýdomanııa problemasyna toqtala kele, oıynhana erejesi qatań ekendigine nazar aýdartty. Onyń atap ótýinshe, oıynhanaǵa kirý úshin qomaqty qarajat qajet. Munan bólek, belgili bir tulǵaǵa qatysty onyń týǵan-týystary tarapynan nemese quqyq qorǵaý organdarynan ótinim túsken jaǵdaıda olar oıynhanaǵa kirigizilmeıdi.

«Mundaı da shekteý bar. Mobıldi ınternet arqyly taralatyn onlaın oıynhanamen jáne lýdomanııamen barynsha kúresken jón bolar», - dedi oblys basshysy.