Qonaevtaǵy avtovokzal jeke menshikke ótip ketken – másele tekseriledi

<p>QONAEV. KAZINFORM &ndash; Qonaev qalasyndaǵy jalǵyz avtobeket ǵımaraty birneshe jyl buryn jeke menshikke ótip ketken. Qazir bul nysanda vokzaldan bólek, memlekettik mekemeler de ornalasqan.</p>

Qonaev qalasynyń ákimi Ashat Berdihanov avtobeketti aralaý barysynda tıisti mamandarǵa ǵımarattyń qalaısha jeke menshikke ótip ketkenin jáne onyń qanshalyqty nysanaly maqsatta paıdalanyp jatqanyn tekserýdi tapsyrdy.

Sondaı-aq ákimniń jumys sapary kezinde vokzal aýmaǵyndaǵy nashar jaǵdaıǵa da nazar aýdaryldy. Jalpy avtovokzal aýmaǵynda qoqys jáshikteri tolyp, jaqyn mańdaǵy «Almaty-Qonaev» poıyzy qatynaıtyn stansadaǵy aıaldamalardyń áınegi synǵan. Ashat Berdihanov abattandyrý erejesin buzǵan azamattardy tez anyqtaý úshin beınebaqylaý kameralaryn ornatýdy tapsyrdy.

Eske salaıyq, buǵan deıin Qonaev qalasynyń turǵyndary avtovokzaldyń jazý alynyp tastalǵanyna jáne jolaýshylarǵa jaǵdaı jasalmaǵanyna shaǵymdanǵan bolatyn.