Qonaevta joǵary synyp oqýshylary jasy kishi balalardan aqsha bopsalaǵan

<p>QONAEV. KAZINFORM &ndash; Qonaevtaǵy mektepterdiń birinde joǵary synyp oqýshylary kishi synyp oqýshylarynan aqsha bopsalaǵan. Polıtsııa qylmystyq is qozǵady.</p>

Bul týraly aqparat Telegram arnalarynyń birinde paıda boldy.

Avtordyń aıtýynsha, Almaty oblysy, Qonaev qalasyndaǵy №4 Qasym Qaısenov atyndaǵy orta mekteptiń oqýshylary dırektor orynbasarynyń jıeni únemi aqsha bopsalap júrgenine shaǵymdanaǵan.

Qonaev qalalyq bilim basqarmasy osy jaǵdaıǵa qatysy bar balalardyń kim ekeni anyqtalǵanyn málimdedi.

«Atalmysh fakti boıynsha QR Qylmystyq kodeksiniń 194-baby (Bopsalaý) boıynsha qylmystyq is qozǵalyp, tergeý amaldary júrgizilýde. Balalarǵa psıhologııalyq kómek te beriledi. Ata-analarmen túsindirý jumystary júrgizilýde», - dep jaýap berdi bilim basqarmasynan.

Sondaı-aq, M. esimdi balanyń mektep dırektorynyń orynbasarynyń týysy emes ekeni aıtyldy.